દવા વગર જ શરીરની સ્થુળતાને દૂર કરશે, આ અચુક પ્રયોગ

આયુર્વેદની માન્યતા પ્રમાણે સમુદ્ર મંથન વખતે ધરતી પર પડેલ અમૃત છાંટણામાંથી લસણની ઉત્પત્તિ થઇ.

- શરીરમાં રહેલી સ્થુળતા દૂર કરવા માટે લસણ એ રામબાણ ઉપાય છે.

સમુદ્ર મંથન વખતે 14 રત્નોમાંથી એક અમૃતને મેળવવા દેવતા અને દાનવો વચ્ચે વિવાદ થયો, બ્રહ્માએ દેવતા અને દાનવોને અલગ હરોળમાં બેસાડીને અમૃત વહેંચવાનું ચાલું કર્યું. તે સમયે રાહુ નામનો રાક્ષસ દેવતાઓની પંગતમાં રૂપ બદલીને બેસી ગયો અને અમૃત પાન કરી લીધું.

પરંતુ, જ્યારે વિષ્ણુને આ વાત માલુમ પડી ત્યારે તેમણે રાહુનું ગળું કાપી દીધુ પણ આ ઘટના દરમિયાન દાનવો દ્વારા રસપાન કરેલા અમૃત છાંટણા ધરતી પર પડ્યા. જેમાંથી લસણનો છોડ ઉદભવ્યો.

લસણનો રોજિંદા પ્રયોગથી વ્યક્તિના દાંત, માંસ, વાળ અને રંગમાં ક્યારેય ક્ષીણતા આવતી નથી. તે પેટના કીડા મારે છે અને ખાંસીને દૂર કરે છે. લસણ ચીકણો, ગરમ, તીખો, કબજિયાતને મારનારો તથા આંખોના રોગને દૂર કરનારો માનવામાં આવે છે. જો તમે સ્થુળતાથી પરેશાન હોય તો નીચે લખેલા લસણના અચુક પ્રયોગને અપનાવો.

- લસણની પાંચ- છ કળીઓને પીસીને છાશમાં પલાળી દો. તેમાંથી નીકાળીને હવે તેને પીસી લો. તેમાં વાટેલી હીંગ, અજમો અને વરિયાળીની સાથે સુંઠ અને સિંધાળુ, ફુદીનો મેળવીને ચુર્ણ બનાવી લો. આ ચુર્ણને રોજ અડધો તોલાની માત્રામાં ફાંકી લો.

- લસણની ચટણી તથા વાટેલા લસણને પાણીમાં ભેળવીને પીવું જોઇએ.

- લસણની બે કળીઓને વાટી લો તેમાં સફેદ જીરું અને વરિયાળી તથા સિંધાળુ મેળવીને ચુર્ણ બનાવી લો. તેનુ સવારે ખાલી પેટે ગરમ પાણી સાથે સેવન કરો.

આખું વર્ષ બીમારીઓ દૂર ભાગશે, આ સ્વાસ્થય સભર દાણા ખાઓ

- શિયાળાની ઋતુ સ્વાસ્થય બનાવવા માટે શ્રેષ્ઠ ગણાય છે.

- શિયાળાની ઠંડીમાં શ્રેષ્ઠ સ્વાસ્થય બનાવવા અને આખું વર્ષ નીરોગી રહેવા તલનું સેવન અતિ ગુણકારી છે.

ઠંડીમાં લોકો પોતાના સ્વાસ્થયને જાળવવા લોકો નીત- નવા નુસખાઓ અપનાવે છે. જાત- જાતના આયુર્વેદિક પ્રયોગો પણ કરે છે.

પરંતુ આપણા વડવાઓ આપણે આખું વર્ષ નીરોગી અને સ્વસ્થ રહીએ તે માટે સ્વાદ અને સ્વાસ્થયને એક સાથે જોડ્યું.

મકર સંક્રાતિમાં ખવાતી તલસાંકળી અને તલની વિવિધ આઇટમ્સ આનું શ્રેષ્ઠ ઉદાહરણ છે.

તલનો ઉપયોગ ઠંડીમાં અનેક પ્રકારે કરવામાં આવે છે. જોકે નાના- નાના દાણા રૂપી આ તલ એ સ્વાસ્થયથી ભરપૂર છે. આ તલનો પ્રયોગ ઘી અને ગોળની સાથે કરવાથી ઘણાં પ્રકારના રોગ દૂર થાય છે. તે સાથે ઘરમાં બનેલી તલસાંકળી અને તલના લાડુએ શરીર માટે ફાયદાકારક રહે છે.

- જો કોઇ વ્યક્તિને વારંવાર યુરિન આવવાથી કે ખુલીને યુરિન ના આવવાની સમસ્યા હોય તો તેણે પાંચ ગ્રામ તલ અને પાંચ ગ્રામ ગૌખરુનો ઉકાળો બનાવીને પીવડાવવું. આરામ મળશે.

- તલના તેલમાં લીમડાના પાનને નાખો. આ તેલની માલિશથી ખીલ અને ચામડીના રોગથી છુટકારો મળે છે.

-તલના તેલથી કોલેસ્ટ્રોલનું સ્તર ઘટે છે. આ ઉપરાંત હ્રદય રોગને રોકવામાં પણ સહાયક રહે છે.

- ખાંસીથી છુટકારો મેળવવામાં તલ મદદ કરે છે. ચા બનાવતી વખતે તેમાં બે ગ્રામ તલ કે બે- ત્રણ તલના છોડના પાન અને થોડુ આદુ પણ નાખો. આ ચાના સેવનથી ખાંસી જલ્દી જ મટી જશે.

- રોજ સવારે 10 ગ્રામ કાળા તલને સારી રીતે ચાવી- ચાવીને ખાવાથી પેઢા સ્વસ્થ અને દાંત મજબુત થાય છે.

- તલ, સુંઠ, મેથી, અશ્વગંધા અને હળદરને બરાબર માત્રામાં મેળવીને પાવડર બનાવી લો. રોજ સવાર- સાંજ આનું સેવન કરવાથી આર્થરાઇટિસથી મુક્તિ મળે છે.

- તલનું સેવન કફ, સોજો, દર્દમાં રાહત પહોંચાડવામાં મદદ કરે છે.

- કાળા તલને શુદ્ધ ઘીમાં વાટી લો. તેમા પીસીને ગોળ ઓગાળીને બન્નેને મેળવીને ઠંડુ કરી લાડુ બાંધી લો. આ લાડુના સેવનથી બહુમુત્રની સમસ્યા ઠીક થઇ જશે.

શિયાળુ સ્પેશિયલ: ખજૂરનો આયુર્વેદિક પ્રયોગ,હેલ્ધી બનાવશે

જાડાપણું એ આપણા માટે એક ચિંતા સમસ્યારૂપે જોવાય છે તે રીતે પાતળા હોવાને કારણે કોન્ફિડન્સનો અભાવ વર્તાય છે. જો તમે પણ પાતળા હોવાને કારણે પરેશાન હોવ, નબળાઇ અને પાતળાપણાને કારણે હંમેશા મુક્તિ ચાહતા હો અને લોકોની અપેક્ષા અને ધૃણાથી છુટકારો પામવા માંગતા હો તો નીચે આપવામાં આવી રહેલ ખજુરના પ્રયોગને ચોક્ક્સ અજમાવો.

પ્રયોગ

ચાર ખજૂરને એક ગ્લાસમાં દૂધમાં ઉકાળીને ઠંડુ કરી લો. સવારે કે રાતે સુતા સમયે,ખજૂર ઠળિયા કાઢી દો અને છુટા પાડી ચાવી- ચાવીને ખાઓ અને દૂધ પી જાઓ. સતત 3- 4 માસ સેવન કરવાથી શરીરનું દુબળાપણું દૂર થાય છે, ચહેરો ભરાવદાર બને છે. સુંદરતા પણ વધે છે અને વાળ લાંબા અને ઘેરા થાય છે અને બળ- વીર્યની વૃદ્ધિ થાય છે. આ પ્રયોગ નવયુવા, પ્રૌઢ અને વડીલો સૌ માટે ઉપયોગી અને લાભકારી છે. દમ

દમ એટલે કે શ્વાસના રોગીને દરરોજ સવારે – સાંજે 2-2 ખજૂરને ખુબ ચાવીને ખાવા જોઇએ, જેનાથી ફેફસાઓને શક્તિ મળે છે અને કફ તથા શરદીનો પ્રકોપ ઓછો થાય છે.

મીઠાનો અનોખો પ્રયોગ: દરેક પ્રકારના તાવ ઘુંટણિયા ટેકવશે

તાવ એ સ્વાસ્થય સાથે જોડાયેલી એક સામાન્ય સમસ્યા છે. બદલાતી સિઝનમાં તાવની ઝપેટએ સામાન્ય વાત છે. ક્યારેક વાયરલ ફીવરનાં રૂપે તો ક્યારેક ઘાતક મેલેરિયાનાં રૂપે આવામાં અલગ- અલગ નામોથી આ તાવ દરેકને પોતાની ઝપેટમાં લઇ લે છે. જેનાં કારણે ઘણીવાર મુશ્કેલીઓ પણ વેઠવવી પડે છે. ઘણાં તાવ એવાં છે કે જે ઘણાં દિવસ સુધી માણસને પોતાની ઝપેટમાં રાખીને તેને નબળો બનાવી દે છે.

પણ ગભરાશો નહીં, અહીં અત્યંત અસરકારક અને અચુક છે જે ગમે તેવા તાવમાં પણ પોતાનો પ્રભાવ દેખાડીને જ રહે છે - તે છે શેકેલું મીઠું

શેકેલું મીઠું બનાવવાની વિધિ

- ખાવામાં વપરાતા સાદા મીઠાને લઇને તેને તવા પર ધીમી આંચ પર શેકો. જયારે એનો રંગ બદલાઇ કોફી જેવો કાળા -ભુરા રંગનો થઇ જાય તો તેને ઉતારી ઠંડુ કરી લેવું. ઠંડુ થયા બાદ તેને એક શીશીમાં ભરી લેવું.જયારે તાવ આવવાનો છે એમ લાગે ત્યારે તાવ આવે તે પહેલાં એક ગ્લાસ ગરમ પાણીમાં એક ચમચી મીઠું ભેળવી લઇ લો,જયારે તાવ ઉતરે ત્યારે પણ એક ચમચી મીઠું ફરીથી લઇ લો. આવું કરવાથી તાવ કદી પલટો નહી મારે.

વિશેષ- હાઇ બ્લડપ્રેશરથી પીડિત દર્દીઓએ આ પ્રયોગ ના કરવો.

- આ પ્રયોગ એકદમ ખાલી પેટે કરવો, એના પછી કંઇ ખાવું નહી અને ધ્યાન રાખવું કે આ દરમિયાન રોગીને ઠંડી ના લાગે.

- રોગીને વધારે તરસ લાગે તો પાણી ગરમ કરી ઠંડુ કરી આપવું.

- આ ઉપાય બાદ રોગીને 48 કલાક સુધી કંઇ ના ખાવા દો,ત્યારબાદ દુધ,ચા ,ફાડા-થુલી બનાવી ખવડાવો

મધ- લસણનો ચમત્કારિક પ્રયોગ : સફેદ વાળ પણ કાળા થઇ જશે

આયુર્વેદ પ્રમાણે લસણનો રોજિંદા જીવનમાં નિયમિત ઉપયોગથી તમે તમારી વધતી ઉંમરમાં પણ જુવાનીને અનુભવી શકો છો. - લસણ આંતરડાના કીડાઓને નીકાળે છે અને આંતરડાઓનું શુદ્ધિકરણ કરે છે.

- જખ્મોને જલ્દી જ ભરી દે છે.

- તમામ રોગોમાં કાચું લસણ વિશેષ ફાયદાકારક હોય છે. લગભગ વનસ્પતિ જાતની એકમાત્ર એવી વનસ્પતિ છે જેમાં દરેક વિટામીન અને ખનીજ છે, આ માટે લસણ વાળ માટે પણ ફાયદાકારક છે. માત્ર લસણ જ નહીં પરંતુ તેલથી પણ વાળની દરેક સમસ્યાઓમાંથી છુટકારો મળી શકે છે.

 વાળનું ખરવું –

50 ગ્રામ સરસિયાનું તેલ લો, એક લસણની બધી કળીઓને છાલ ઉતારીને નાખી દો. ધીમા આંચે તેલમાં આ કળીઓને પકાવો. કળી બળી જાય પછી તેને ચાળીને બોટલમાં ભરી દો. રોજ રાતે સુતા પહેલા વાળમાં આ તેલની માલિશ કરો.

વાળને સફેદ થતા અટકાવવા –

ઉપરોક્ત બનેલા તેલની માલિશને અડધો કલાક કરવો જોઇએ.

વાળ કાળા કરવા માટે–

 5 કળીઓને 50 મિ.ગ્રામ પાણીમાં પીસી લો પછી 10 ગ્રામ મધ મેળવીને રોજ સવારે મધ સાથે તેનું સેવન કરો.

કબજિયાત, એસીડિટીનો આનાથી સસ્તો કોઈ બીજો ઉપાય નથી

આપણા શરીરમાં મોટાભાગની બીમારીઓને લીધે પેટના રોગો થાય છે અને પેટના રોગોનું મુખ્ય કારણ હોય છે કબજિયાત. ખાસ કરીને મહાનગરોમાં વ્યસ્ત દિનચર્યામાં આપણે ન તો સમય ઉપર જમીએ છીએ કે ન તો નિત્યક્રિયાઓ ઉપર પૂરતું ધ્યાન આપીએ છીએ.

સામાન્ય રીતે કબજિયાત, બદહજમી, ગેસ, એસીડિટી જેવી સમસ્યાઓ ખૂબ જ લોકોમાં જોવા મળતી હોય છે આ બધી સમસ્યાઓમાંથી છુટકારો મેળવવા માટે ચમત્કારિક ઉપાય છે સુપ્ત પાદાંગુષ્ટાસન અને મયૂરાસન. આ આસન દરરોજ કરવાથી આ બધી સમસ્યાઓ હંમેશા માટે દૂર થઈ જાય છે.

આસાન રીતઃ-

સુપ્ત પાદાંગુષ્ટાસનઃ-

સુપ્ત પાદાંગુષ્ટાસન સમતળ સ્થળે કામળો પાથરી સીધા લેટી જાઓ. શ્વાસ સામાન્ય રાખો. હવે જમણા પગને ઉપર ઉઠાવો. જમણા હાથથી પગને પકડીને ખેંચો. આ દરમિયાન શ્વાસ બહાર કાઢો. થોડીવાર આ અવસ્થામાં જ રહો. પછી ધીરે-ધીરે પગને છોડીને ફરીથી શરૂઆતની અવસ્થામાં આવી જાઓ. ત્યારબાદ ડાબા પગને ઉપર ઉઠાવો અને ડાબા હાથથી પગ પકડી ખેંચો. થોડીવાર પગ છોડી ફરી શરૂઆતની અવસ્થામાં આવી જાઓ. નીચે આપેલ ફોટોમાં તમે સુપ્ત પાદાગુષ્ટાસના ફોટોને જોઈ શકો છો.

મયૂરાસનની વિધિઃ-

-તેમાં શરીરની આકૃતિ મોર જેવી બની જાય છે. જમીન ઉપર આસન પાથરી સર્વપ્રથમ વ્રતાસન લગાવો. સાંથળો અને નિતંબને ઊઠાવીને આગળ તરફ ઝૂકો. બંને હાથ અને ઘુંટણોના બળે મોરની આકૃતિમાં આવો. હથેળીઓ અને પંજાઓ અને બંને કોણઈઓને નાંભીથી લગાવીને બંને પગને જમીનથી ઉપર ઊઠાવો. પગની પાછળની તરફથી ઊંચા કરો. શરીરનો ભાર ખભાઓ અને કોણી ઉપર નાખી ધરતીની સમાંતર શરીર ઉઠાવો. શરૂઆતમાં આ આસન એક જ વાર કરો. ધીરે-ધીરે તેની ક્ષમતા વધારતા જાઓ. મયૂરાસનની રીતને નીચે ફોટોમાં જુઓ.

આસન માટે સાવધાનીઃ- -આ આસનમાં શરૂઆતમાં પરેશાની આવી શકે છે. આથી નિયમિત અભ્યાસ કરવાથી તમે તેને સારી રીતેકરી શકો. પગને વધુ ન ખેંચવા.

આસાન લાભઃ-

-આ આસનો નિયમિત અભ્યાસથી પેટને લગતી અનેક સમસ્યાઓથી છૂટકારો મળી જાય છે. નાભીને સારી કરવા માટે આ આસાન ઘણુ જ લાભદાયી છે. સાથે જ ગેસ, પેટદર્દ, કબજિયાત, અતિસાર, દુર્બળતા અને આળસ જેવી સમસ્યાઓ આપમેળે જ દૂર થઈ જાય છે. જઠર, સ્વાદુપિંડ તથા આંતરડાઓ માટે આ આસન તાત્કાલિક લાભ પહોંચાડનારા છે.

 

 

 

સુપ્ત પાદાંગુષ્ટાસન

 

ઘરેલુ સંજીવની બુટીઃ આ છે અનેક બીમારીઓની એક દવા

વધુ વર્કલોડને લીધે થાક લાગવો, નબળાઈ મહેસૂસ થવી, આ બધા સારા લક્ષણો નથી. એવા લોકોને મોટાભાગે તાવ અને શરદી-ખાસી અને સ્નાયુતંત્રની સમસ્યાઓ ઘેરી લેતી હોય છે. એવી વખતે વારંવાર અનેક પ્રકારની એલોપથીક દવાઓ લેવી પણ શરીર માટે નુકસાનદાયક રહે છે. એટલા માટે વારંવાર ક્લિનિકના ચક્કર લગાવવા કરતા સારું છે કે તમે એકવાર આ સમસ્યાઓને જડથી દૂર કરવા માટે નીચે આપેલ નુસખાને ચોક્કસપણે અપનાવો.

સામગ્રીઃ-

ગુલાબનું ફૂલ, તુલસીના પાના, બ્રાહ્મી વટી, ખસખસ ને શંખપુષ્પી 300-300 ગ્રામ. બનફશા(જંગલી ફૂલ), જેઠીમધ, વરિયાળી, તજ 100-100 ગ્રામ. લાલ ચંદન, મોટી ઇલાયચી, તેજપત્તા, લવિંગ, સૂઠ, બદયાન, કાળી મરી અને અસલી કેસર 10-10 ગ્રામ બધાને સારી રીતે પીસી, ખાંડીને ઝીણુ ચૂર્ણ બનાવી લો.


સેવનની વિધિઃ-

-એક ચમચી ચૂરણ એક લીટર પાણીમાં નાખી ઉકાળો, યોગ્ય માત્રામાં ખાંડ અને દૂધ નાંખી સવારે ખાટી પેટે એક ગ્લાસ પીવો. આ માત્રા ચાર વ્યક્તિઓ માટે છે.

લાભઃ-

-આ ઉકાળાના સેવનથી શરીરના આંતરિક દોષ દૂર થઈ જાય છે, માનસિક અને શારીરિક થકાવટ અને નિર્બળતા દૂર થઈ જાય છે. માથાનો દુઃખાવો, ખાંસી, ગેસ, તાવ અને પેટના રોગોથી છુટકારો મળે છે. સ્મરણ શક્તિ અને મગજની તાકાત વધે છે. સ્નાયુ દુર્બળતા દૂર થાય છે. આ સંજીવની બૂટીને જેમ જ કામ કરે છે અને એટલુ જ લાભદાયી રહે છે. આ ઉકાળો પીધા પછી તમારે કોઈપણ જાતની અનેક ગોળીઓ લેવાની જરૂર નથી. આ ઉપાય રોજ સવારે કરવાથી આખો પરિવાર બીમારીઓથી બચેલ રહે છે અને તમારા રૂપિયા પણ બચે છે.

અસરકારક નુસખો: તેલ-દવા વગર વાળ ખરતા અટકી જશે

શું તમે ખરતા વાળથી પરેશાન છો? ટાલિયાપણાના કારણે તમારી ઉંમર વધુ દેખાવા લાગે છે?તમે તારા ખરતા વાળ માટે ભાત- ભાતના નુસખા અને તેલ લગાડીને પણ થાકી ગયા છો. જો તમે આ દરેક સમસ્યાથી હેરાન થતા હો તો દરેક મુશ્કેલીઓ માટેનો એક રામબાણ નુસખો અહીં આપી રહ્યા છે કે જેને અપનાવીને તમે ખરતા વાળની સમસ્યામાંથી છુટકારો મેળવી શકો છો.


નુસખા –


આ બીમારીથી છુટકારો મેળવવા માટે યોગશાસ્ત્રમાં માણ્ડુની મુદ્રા સૌથી શ્રેષ્ઠ ઉપાય માનવામાં આવ્યો છે.


માણ્ડુની મુદ્રા વિધિ


આ મુદ્રા માટે કોઇ શાંત અને સ્વચ્છ વાતાવરણવાળા સ્થાન પસંદ કરો. તમને ફાવતા કોઇપણ આસનમાં બેસી જાઓ. હવે મોં બંધ કરીને જીભને તાળવામાં ગોળ- ગોળ ફેરવો હવે ઝરતી લાળને જીભના માધ્યમથી ગળે ઉતારો. આ માણ્ડુની મુદ્રા છે.


માણ્ડુની મુદ્રાના લાભ


આ મુદ્રાના નિયમિત અભ્યાસથી વાળ ખરવા બંધ થઇ જાય છે. કસમયે સફેદ થઇ જતાં વાળની સમસ્યા પણ આ મુદ્રાથી દુર થાય છે. તેનાથી તમારી ત્વચા ચમકદાર અને નીરોગી બને છે. આ મુદ્રાના નિયમિત અભ્યાસથી વાત- પિત્ત અને કફની સમસ્યા પણ દુર થઇ જશે.

ખરી રહ્યા છે વાળ? 25ની ઉંમરમાં 50ના દેખાવો છો? તો આ કરો

 વાળ ખરવા અને તે ખરતા વાળ પર નવા વાળ નહી આવવાને કારણે ટાલ પડી જાય છે. તબીબી દ્રષ્ટિએ તેનું મુખ્ય કારણ રોમકુપ બંધ થવાથી માથાની ત્વચાનું સપાટ થવુ છે. ટાલ પડવી આ બીમારીનું આમ તો કોઇ વિશેષ કારણ નથી. છતાંય ઘણીવાર લોહી વિકાર, કોઇ ઝેરી પદાર્થનાં સેવન, દાદ કે એક્ઝિમાં પણ આ પાછળ કારણભુત હોઇ શકે.

ખરતા વાળ અટકે અને ટાલમાં નવા વાળ આવે એ માટે અમે અહીં ઘરગથ્થુ નુસખા લઇને આવ્યા છે.

- મીઠાના વધારે પડતા સેવનથી ટાલિયાપણું આવે છે. એક- એક ચમચી બારીક વાટેલુ મીઠુ, કાળી મરી, પાંચ ચમચી નાળિયેરનું તેલ મેળવીને ટાલ પડેલી જગ્યા પર લગાડવાથી વાળ આવે છે.

- જો કોઇ એક જગ્યા પરથી વાળ જતાં રહ્યા હોય અને ત્યાં વાળ નવા ના આવી રહ્યા હોય તો ટાલિયાપણાની જગ્યાએ બીજીવાર વાળ આવે છે.

- વાળ જ્યાથી ખરી ગયા હોય તે જગ્યાએ ડુંગળીનો રસ રગડવાથી પણ વાળ આવવા લાગે છે.

- વાળમાં લીમડાનું તેલ લગાડવાથી પણ રાહત મળે છે.

- જો વાળ ખરવાની કે ટાલની સમસ્યાથી પીડાતા હોય તો લસણનો વધારે પ્રયોગ કરો.

- અડદની દાળને ઉકાળીને પીસી લો. તેનો સુતા સમયે ટાલની જગ્યાએ લેપ કરો.

- લીલી કોથમીરનો લેપ કરવાથી પણ વાળ આવવા લાગે છે.

- કેળાનાં ગુદ્દાને લીંબુના રસમાં પી લો અને લગાડો જેનાથી લાભ થાય છે.

- દાડમનાં પાનમને પાણીમાં વાટીને તેનો માથા પર લેપ કરવાથી ટાલિયાપણું દુર થાય છે.

કાળા અને ચમકદાર વાળ માટે અકસીર છે આ દેશી નુસખો

બજારમાં ઉપલબ્ધ મોંઘા કંડીશનરો ભલે ને વિશેષ ફાયદો ના આપતાં હોય પરંતુ લાંબા ગાળા માટે તે વાળ નુકસાન કારક સાબિત થાય છે.જેનાથી વાળની પ્રાકૃતિક સુંદરતા નષ્ટ થાય છે.

વાળ માટે 100 ટકા અસરકારક એવા ડીપ કંડીશનર વિશે જાણીએ.

આ દેશી અને ઘરગ્થથુ ડીપ કંડીશનરનો ઉપયોગ કરી તમે પણ તમારા વાળ ને લહેરાતા, સુંદર અને ચમકદાર બનાવી શકો છો.

બનાવવા અને લગાડવાની સરળ વિધી

અડધી વાટકી લીલી મહેંદી પાવડરમાં પાતળો લેપ બને તે રીતે જરૂર પ્રમાણે ગાયનું ગરમ દુઘ નાખવું.આ લેપમાં એક મોટી ચમચી આયુર્વેદિક તેલ નાખો.

આ મિશ્રણને સારી રીતે ભેળવી લો.જ્યારે આ લેપ ઠંડો થાય ત્યારે તેને વાળની જડમાં લગાડો.20 મિનિટ સુધી તેને રહેવા દો.

20 મિનિટ બાદ કોઇપણ આયુર્વેદિક શેમ્પુથી વાળને બરાબર ધોઇ લો.આ ડીપ કંડીશનર દ્વારા તમારા વાળ ને પોષણ તો મળશે,સાથે વાળમાં તેજ ચમક પણ આવશે.

આ ઘરેલુ નુસખાઓથી મેળવો લહેરાતા સુંદર વાળ

લહેરાતા વાળ કોઇની પણ ખુબસુરતીમાં ચાર ચાંદ લગાડી શકે છે. પરંતુ ઘણીવાર એનાથી ઊલટું પણ થઇ શકે છે,જેનાથી આપણુ વ્યક્તિત્વ કદરૂપું લાગવા લાગે છે.

વાળોનું ખરવું એ પણ એક એવી સમસ્યા છે કે જેનાથી આપણે હેરાન થતાં હોઇએ છીએ અને આપણા લુકમાં તરત જ ચેન્જ લાવે છે.

સામાન્ય રીતે દરેકના ત્યાં મધ તો ઘણી સરળતાથી મળી જાય છે. મધના ઔષધીય ગુણ આપણે દરેક જાણીએ છીએ.મધની તાસીર ઠંડી હોય છે જે ઘણી બીમારીઓને દુર કરવામાં સક્ષમ છે.

મધથી ખરતા વાળ રોકી શકાય છે.

આજે નાની ઉંમરમાં વાળના ખરવાની સમસ્યા અવારનવાર જોતા હોઇએ છીએ. આ બીમારીથી બચવા માટે મધ અને તજએ અસરકારક ઉપાય છે.

ખરતા વાળને ગરમ ઑલિવ ઓઇલના તેલમાં એક ચમચી મધ અને તજના પાવડરની પેસ્ટ બનાવો. નહાવાના પહેલાં આ પેસ્ટને માથા પર લગાડી લો. 15 મિનિટ પછી વાળને ગરમ પાણીથી ધોઇ લો.

આમ કરવાથી થોડા દિવસોમાં ખરતા વાળની સમસ્યા દુર થાય છે.

તજ અને મધનું મિશ્રણ ઘણું અસરકારક હોય છે. આયુર્વેદના અનુસાર આના મિશ્રણથી ઘણી બીમારીઓનો ઇલાજ કરી શકાય છે.ત્વચા અને શરીરને ચમકદાર અને સ્વસ્થ રાખવા આ ઉપયોગ કરવો જોઇએ.

આ વાત ધ્યાન રાખજો, નહીં તો ઉંમર પહેલા કમર વાંકી થઈ જશે

ઉપર સૂવાની આદત તમારી કમર અને કરોડરજ્જૂમાં ગંભીર દર્દ શરૂ કરી શકે છે.

તેની સાથે જ હાડકાંના નિષ્ણાતોની વાત માનીએ તો લોકોએ પોતાની ઊઠવા-બેસવાની રીતથી લઈ સૂવાની મુદ્રા ઉપર વિશેષ ધ્યાન આપવું જોઈએ કારણ કે રોજની આ ખોટી આદતને લીધે હાડકાંમાં દરદ શરૂ થઈ શકે છે. આ એવી બાબત છે જેનું ધ્યાન ન રાખવાથી ધીરે ધીરે કમર અને કરોડના હાડકાંમાં દર્દ શરૂ થઈ જાય છે. સાથે જ પોતાના ખાનપાન ઉપર પણ વિશેષ ધ્યાન આપવું જોઈએ કારણ કે વજન વધી જવાથી શરીરનો ભાર ઘુંટણ ઉપર વધુ પડે છે અને લોકો ઘુંટણના દર્દથી બેહાલ થઈ જાય છે. એટલા માટે જો તમે ઈચ્છતા હોવ કે સમય કરતા પહેલા તમારી કમર ઝૂકી ન જાય તો તમે વધુ સોફ્ટ ગાદી ઉપર સૂતા બચજો.

1 ગ્લાસ જ્યૂસ, અપાવશે એસીડિટીથી રાહત

સંતરા ખધા પછી એકદમ ચુસ્તી મહેસૂસ થાય છે. નિયમિત રીતે સંતરાને આહારમાં સામેલ કરવાથી શરદી, ખાંસી કે રક્તસ્ત્રાવની ફરિયાદ નથી રહેતી. શરીર સશક્ત અને દીર્ધાયુ બને છે. રાતે સૂતી વખતે અને પછી સવારે સંતરા ખાવાથી પાચનક્રિયા સારી રહે છે. દરરોજ સંતરાના જયૂસનું સેવન કોઈપણ પ્રકારના કેન્સરની સંભાવનાને ઓછી કરી દે છે કારણ કે સંતરાના જ્યૂસમાં એન્ટીઓક્સિડેન્ટ્સ વધુ માત્રામાં હોય છે.

સાંધાઓના દર્દીઓને પણ સંતરાના જ્યૂસનું સેવન કરવું જોઈએ. તેનાથી દર્દમાં રાહત રહે છે અને વજન પણ નિયંત્રિત રહે છે. સંતરાના જ્યૂસમાં ફોલેટ જોવા મળે છે અને ફોલેટ ઘાવને ભરવામાં અને નવા સેલ્સ નિર્માણમાં મદદ કરે છે. સંતરાની છાલને પત્થર ઉપર પાણીની સાથે પીસીને શરીર ઉપર લગાવવાથી જૂની ખંજવાળનો રોગ માત્ર 5-6 દિવસમાં જ જતો રહે છે. સંતરાની છાલને તડકામાં સૂકવીને જ્યાં મચ્છર હોય તે જગ્યાએ સળગાવવાથી મચ્છરો ભાગી જાય છે.

સળગતા સંતરાના છાલની ખૂશબુ આખા વાતાવરણમાં ફેલાઈ જાય છે અને વાતાવરણ ખુશબુમય બની જાય છે. સંતરાના રસમાં એક રૂના પૂમડાને પલાળીને આંખ ઉપર લગભગ 20-25 મિનિટ લગાવવાથી આંખોની નીચે કાળા કુંડળા સમાપ્ત થઈ જાય છે. રોજ સંતરાના રસમાં થોડુ પીસેલુ જીરૂ અને સિંધુ નમક નાખી પીવાથી અમ્લપીત અર્થાત્ એસીડીટીમાં એકદમ આરામ મળી જાય છે. ગર્ભવતી સ્ત્રી જો ગર્ભધારણ થયા પછી દિવસમાં રોજ સંતરાનો ઉપયોગ કરે તો તેનાથી સંતાન ખૂબ જ સુંદર પેદા થાય છે.

આ અમુક વસ્તુનુ ધ્યાન રાખો,તમે પણ 100 વર્ષ સુધી જીવી શકો છો

પહેલુ સુખ તે જાતે નર્યા – સંપુર્ણ સુખી જીવનની કામના સારા સ્વાસ્થય વગર કરવામાં આવતી નથી. કોઇની પાસે ગમે તેટલું અઢળક ધન હોય પણ સારા સ્વાસ્થય સમુ કોઇ પરમ સુખ નથી. આ માટે તો માનવી સ્વસ્થ શરીર અને લાંબી ઉંમર પામવા માંગતા હો તો પુર્ણતાની સાથે અને સુખનો આનંદ ઉઠાવતા આનંદમય રીતે જિંદગી જીવો. માત્ર કામ પ્રત્યેની સાચી લગન અને ઇમાનદારી જ પ્રગતિ નથી અપાવતી, પણ જિંદગીના પળને પણ વધારી દે છે.

જી હા, તમે પુરી રીતે મન લગાડીને કામ કરશો તો એક્સાઇઝ વગર તમે પણ શ્રેષ્ઠ સ્વાસ્થય પામી શકો છો. આમ તો ઉંમર વધારવા માટે વિટામીનની ગોળીઓ અને સંતુલિત ખાન-પાનની સલાહ આપવામાં આવે છે. પરંતુ એક અભ્યાસ પરથી જાણવા મળ્યું છે કે આવી દવાઓશ્રેષ્ઠ સ્વાસ્થય માટે આવશ્યક છે પણ તેને લાંબી ઉંમર સાથે કોઇ નિસ્બત નથી.

તેના સિવાય લાંબા આયુષ્ય માટે દરેક મનુષ્યની નીચે લખેલા સુત્રોનું પાલન કરવું જરૂરી છે.

- અનિયંત્રિત કામુકતા અને વિષય- વિકારોથી દુર કરવા.

- રોજ સવારે ખાલી પેટે અંકુરિત ચણા કે મગનો નાશ્તો કરવાથી અથવા જમવામા સલાડ તરીકે લેવાથી તાકાત મળશે.

- જો તમે રોજ પોતાના જમવામાં એક સફરજન લો.

- રોજ સવારે નાસ્તામાં કે રાતે સુતા પહેલા દુધ પીવાથી સ્વાસ્થય માટે વિશેષ રૂપે ફાયદાકારક રહે છે.

- જમવામાં લીલી શાકભાજીઓ ચોક્કસ લેવી જોઇએ તેનાથી આપણા શરીરને ભરપુર વિટામીન અને આર્યન મળે છે.

- લીલા શાકભાજીઓની સાથે- સાથે તમારા જમવામાં સલાડનો મુખ્ય હિસ્સો છે. રોજ જમવાની સાથે જ્યારે પણ ઠીક લાગે તો સલાડ ચોક્કસ લો.

જમતી વખતે આટલુ ધ્યાન રાખશો તો ક્યારેય સ્થૂળ નહીં થાઓ

ભગતી-દોડતી દુનિયામાં સમયની કમીને લીધે ઉતાવળમાં દરેક કામમાં જોવા મળે છે. કોઈની ઓફિસ પહોંચવાની ઉતાવળ છે, તો કોઈને ટ્રેન કે બસ પકડવાની ઉતાવળ, પછી બાળકો હોય કે યુવાન ઉતાવળમાં ને ઉતાવળમાં આવે છે તણાવ જ તણાવ.

આપણા પૂર્વજોની જીવનશૈલીને જોઈએ તો તમને કદાચ ક્યારેય ઉતાવળ ન હતી, એટલે જ તો તેમની ઉંમર સરેરાશ ઘણી વધુ હતી. વધુ જૂની વાત નથી. તમે વિતેલા જમાનાની બ્લેક એન્ડ વ્હાઇટ ફિલ્મોને જોઈ લો. પ્રેમીઓ અને પ્રેમીકાઓની પાસે પ્રેમના ગીતો ગાવા માટે જ ફૂર્સદના ક્ષણ હતા. પણ આજે તો દરેક ક્ષેત્રમાં ઉતાવળ જોવા મળે છે.

આ ઉતાવળની અસર આપણી દિનચર્યા ઉપર પડે છે પછી તે ખાવામાં હોય, કે સારી રીતે સૂવામાં હોય. વડીલોએ કહ્યું હતું કે જમવાનું હંમેશા તણાવમુક્ત થઈ ધીરે-ધીરે ચાવીને ખાવું જોઈએ, પણ આજે તેની કોઈની પાસે ફૂરસત જ ક્યાં છે. પરંતુ આપણા વડીલોની વાતોને આજના વૈજ્ઞાનિકીની અક્ષરશઃ દોહરાવી રહ્યા છે. ધીરે-ધીરે ચાવીને ખાવાથી આપણા દ્વારા લેવામાં આવેલ ભોજનનું સંતુલિત રીતે પાચન થાય છે. સાથે જ વજન ઓછું કરવામાં મદદ મળે છે. યુનિવર્સિટી ઓફ રોડ આઇલેન્ડના સંશોધકોએ બે અધ્યયનમાં આ વાત પ્રમાણિત કરવામાં આવી છે.

આ અધ્યયનમાં એવું જોવા મળ્યું છે કે, પુરુષોની ઉતાવળ ખાવા-પીવામાં મહિલાઓની સરખામણીમાં વધુ હોય છે. ઠીક એવી જ રીતે જાડા લોકોની ઉતાવળ દુબળા લોકોની સરખામણીમાં વધુ જોવા મળી છે. એ પણ જોવા મળ્યું હતું કે આપણા આખા અનાજની અપેક્ષા રીફાઈડ અનાજને જલદી ખાઈ લે છે. એસોસિયેટ પ્રોફેસર ઓફ ન્યૂટ્રિશન કેથલીન મીલેંસન તથા સ્નાનતક વિદ્યાર્થી એમેલી પોંટે તથા અમાન્ડા પોંટેએ આ શોધ અધ્યયન ઓરલેન્ડોમાં થયેલા ઓબેસીટી સોસાયટીના વાર્ષિક કોન્ફરન્સમાં રજૂ કર્યા છે.

જાણો છો કેમ લોકો કહે છે પ્રેમ આંધળો છે? (Yes Love is blind )

કહેવાય છે કે પ્રેમ દિલમાં વસે છે પણ વૈજ્ઞાનિકો માને છે કે આ તો કેમિકલ લોચો છે. અને તેને કારણે જ પ્રેમ થાય છે.

શોધકર્તાઓનું માનવું છે કે, જ્યારે બે લોકો એક બીજા પ્રત્યે આકર્ષિત થાય છે તે સમયે તેમના મગજમાં એડ્રોનિલ જેવું ન્યૂરોકેમિકલનો સ્ત્રાવ થાય છે.

દિલમાં પણ કંઈક અલગ આગ લાગે છે. સાથે જ ફેનિલથાઈલામાઈન કેમિકલ ઝડપથી નર્વ્સની વચ્ચે વહેવા લાગે છે.

નોરપાઈનફિરાઈન એડ્રેનિલાઈનનો સ્ત્રાવ વધવાથી હ્રદયની ગતી તેજ થઈ જાય છે. આ આકર્ષણ જગાવે છે. તેનાથી પ્રેમીઓ વચ્ચે વધુ ઉર્જા જોવા મળે છે.

ફ્લોરસન્ટ બલ્બ આંખ માટે નુકસાનકારક !

ફ્લોરસન્ટ લાઈટને બદલે પરંપરાગત સફેદ ટ્યૂબલાઈટનો ઉપયોગ ઓછો નુકસાનકારક છે.

ઊર્જા બચાવતી ફ્લોરસન્ટ લાઈટ આંખો માટે નુકસાનકારક સાબિત થઈ શકે છે તેમ વિજ્ઞાનીઓએ જણાવ્યું છે. ઓસ્ટ્રેલિયન નેશનલ યુનિવર્સિટીના નેતૃત્વ હેઠળ થયેલા આ સંશોધનમાં ચેતવણી ઉચ્ચારવામાં આવી છે કે પર્યાવરણમાં થઈ રહેલા ફેરફારોને સંતુલનમાં રાખવા નિયમિત લાઈટને બદલે ફ્લોરસન્ટ લાઈટના ઉપયોગથી આંખના રોગો વધી શકે છે.

અમેરિકન જર્નલ ઓફ પબ્લિક હેલ્થમાં પ્રકાશિત આ સંશોધન અનુસાર ફ્લોરસન્ટ લાઈટને કારણે મોતિયો અને પ્ટેર્જિયા જેવા યુવી સંલગ્ન આંખના રોગોમાં ૧૨ ટકાનો વધારો થઈ શકે છે. મુખ્ય સંશોધક ડૉ. હેલન વોલ્સે જણાવ્યું કે, કાર્બન ઘટાડવાના પ્રયાસોને પગલે ઊર્જાની વધુ બચત કરી શકે તેવી લાઈટિંગની શોધ કરવામાં આવી હતી. આખી દુનિયામાં અનેક લોકો ઘરે તેમજ કામના સ્થળે કૃત્રિમ લાઈટમાં કામ કરતા હોય છે. હજુ હમણાં સુધી આ માટે પરંપરાગત લાઈટનો ઉપયોગ થતો હતો.

પરંતુ ફ્લોરસન્ટ લાઈટનો ઉપયોગ શરૂ થવાથી લોકો હવે વધુ પ્રમાણમાં અલ્ટ્રાવાયોલેટ રેડિયેશન હેઠળ આવી જાય છે. શહેરીકરણ અને કામનાં ભારણને પગલે પ્રજાને વધુને વધુ સમય આવી લાઈટ નીચે રહેવાનું બને છે. અલબત્ત ૫૦૦ નેનોમીટર જેટલું અંતર જળવાય તો અલ્ટ્રાવાયોલેટની સંભવિત અસરોથી બચી શકાય, તેમ તેમણે ઉમેર્યુંં હતું.

ઊર્જા બચાવતી લાઈટ કેટલી જોખમી?

અલ્ટ્રાવાયોલેટ રેડિયેશનને કારણે મોતિયો અને પ્ટેર્જિયા જેવી આંખોની તકલીફ થઈ શકે છે. આ સંજોગોમાં ફ્લોરસન્ટ લાઈટનાં યુવી કિરણોથી બચવું જરૂરી છે. પરંપરાગત લાઈટના સ્થાને ફ્લોરસન્ટ લાઈટના ઉપયોગથી ગ્રીન હાઉસ ગેસમાં ઘટાડો થશે, પરંતુ આવી તબદિલીથી આંખોના રોગોમાં વધારો થઈ શકે છે.

બસ, થોડુંક જીરૂ અને ગાયબ થઈ જશે મલેરિયા !!

 

 

બદલાતી સિઝનમાં તાવ કે શરદી-ખાંસી થઈ જવી તે એક સામાન્ય સમસ્યા છે. વરસાદ પછી મચ્છરોનો આંતક વધી જાય છે. એટલા માટે વરસાદની સિઝન પછી મલેરિયા ફેલાવા લાગે છે. મલેરિયા તાવ-શરદી લઈને આવે છે અને પસીનો થયા પછી ઉતરી જાય છે. આવો જોઈએ મલેરિયામાં શું કરવું જોઈએ....

તાવ ભગાડવા માટે કેટલાક ઘરેલું નુસખાઃ-

-મીઠું, કાળી મરી, લીંબુમાં ભરી ગરમ કરી ચૂસવાથી તાવની ગરમી દૂર થઈ જાય છે. દરરોજ બેવાર ચોક્કસ કરો.

-બે લીંબુનો રસ છાલ સહિત 500 મિ.લી. પાણીમાં માટી કે સ્ટીલની કુડલીમાં રાખો. સવારે તેને ઉકાળી પી જાઓ. મલેરિયા આવવાનો બંધ થઈ જશે.

-બે નારંગીની છાલને બે કપ પાણીમાં ઉકાળો, અડધુ પાણી રહે ત્યારે ગળીને ગરમ-ગરમ પી જાઓ.

-જ્વરમાં સફરજન ખાવાથી ઝડપથી સારું થઈ જાય છે.

-મલેરિયામાં જામફળ લાભદાયી હોય છે. મલેરિયામાં જ્વર આવતા પહેલા સફરજનથી તાવ આવવાના સમયે તાવ નથી આવતો.

-એક ચમચી જીરૂ પીસી લો. જીરાને ત્રણ ગણા ગોળ તેમાં મેળવીને તેની ત્રણ ગોળી બનાવી લો અને એક-એક ગોળી ખાઓ.

-ધાણા અને સૂઢ બંને પીસી અને સમાન માત્રામાં મેળવી દરરોજ ત્રણવાર પીવાથી પણ તાવમાં ઘણી રાહત મળે છે.

-છાસ પીવાથી દરે ચોથા દિવસે આવતા મલેરિયા પણ સારો થઈ જાય છે.

-લસણનો રસ હાથ પગ અને નખ ઉપર તાવ આવતા પહેલા લેપ કરો અને એક ચમચી લસણનો રસ, એક ચમચી તલના તેલમાં મેળવી એક-એક કલાકે ટીપુ-ટીપુ ચૂસતા રહો.

-સિંધુ નમકનો એક ભાગ, દેશી ખાંડના ચાર ભાગ, બંને મેળવીને થોડી પીસી લો. અડધી ચમચી ત્રણવાર ગરમ પાણી સાથે લેવાથી મલેરિયાનો તાવ આવતો બંધ થઈ જશે, જો કે આ બધા નુસખા અજમાવવાની સાથે નિષ્ણાત ડોક્ટરની સલાહ લેવી જરૂરી છે.

સોયા પ્રોટીન-નટ્સ ખાવાથી કોલેસ્ટરોલનું પ્રમાણ ઘટે છે.

જે લોકોનું કોલેસ્ટરોલ વધતું જાય છે અને જેમણે કોલેસ્ટરોલનું પ્રમાણ નિયંત્રિત રાખવા માટે તેમના આહારમાં ફેરફાર કરવાની જરૂર છે તેવાં લોકોએ સોયા પ્રોટીન અને નટ્સ તેમજ ઘન મદ્યાર્ક જેવી ચીજોનો ખોરાકમાં ઉપયોગ કરવાથી કોલેસ્ટરોલનાં પ્રમાણને ઘટાડી શકાય છે તેવું તાજેતરમાં હાથ ધરવામાં આવેલા અભ્યાસ પરથી જાણવા મળે છે. ઓછા સેચ્યુરેટેડ ફેટ ડાયેટ કરતાં સોયા પ્રોટીન અને નટ્સનો સતત છ મહિના સુધી વધારેપડતો ઉપયોગ કરવાથી કોલેસ્ટરોલને અંકુશમાં રાખી શકાય છે તેવું નવા અભ્યાસ પરથી જાણવા મળ્યું છે.
·       છ મહિના સુધી ખોરાકમાં ઉપયોગથી થતો ફાયદો
સેન્ટ માઈકલ હોસ્પિટલ અને ટોરન્ટો યુનિર્વિસટીના એમડી ડેવિડ જેન્કિન્સ તેમજ તેમના સાથીઓ દ્વારા છ મહિના સુધી આ ડાયેટનો સતત અભ્યાસ કરવામાં આવ્યો હતો, જેમાં વધુ ફાઈબર અને આખું ઘન અનાજ લેવાથી કોલેસ્ટરોલ ઘટતું હોવાનું જણાયું હતું, આમાં પ્લાન્ટ સ્ટેરોલ્સ અને સોયા પ્રોટીન તથા વિસ્કોસ ફાઈબર્સ અને નટ્સનો ખોરાકમાં વધારેપડતો ઉપયોગ કરવાનું અભ્યાસનું તારણ છે.
જેન્કિન્સ દ્વારા જૂન ૨૦૦૭થી ફેબ્રુઆરી ૨૦૦૯ વચ્ચે ૩૫૧ લોકોનો અભ્યાસ કરવામાં આવ્યો હતો, જેમને સતત છ મહિના સુધી ઓછી સેચ્યુરેટેડ ચરબી ધરાવતો ખોરાક અને સોયા પ્રોટીન તથા નટ્સ લેવા વખતોવખત સૂચના આપવામાં આવતી હતી. જે લોકો સોયા પ્રોટીન અને નટ્સ ખાતા હતા તેમનું લૉ ડેન્સિટી લીપોપ્રોટીન કોલેસ્ટરોલનું પ્રમાણ ૧૩ ટકા ઘટયું હતું જ્યારે સેચ્યુરેટેડ ફેટ ધરાવતો ખોરાક લેનારાઓમાં કોલેસ્ટરોલનું પ્રમાણ ૩ ટકા ઘટયું હતું.

પાચનને લગતી કોઈપણ સમસ્યા દૂર કરવાનો અક્સીર ઇલાજ-ચોખા(Rice)

 
જો રાતના ભોજનમાં રોટલીની જગ્યાએ ભાતનો ઉપયોગ વધુ કરવામાં આવે તો સ્વાસ્થ્ય સારુ રહે છે. તેમાં પણ જો ત્રણ વર્ષ જુનો ભાત હોય તો તે સ્વાદિષ્ટ અને પચવામાં પણ વધુ સરળ હોય છે.

આ પ્રકારના ભાત એટલે કે ખિચડીનો રાતના ખાવામાં ઉપયોગ વધુ કરવામાં આવે તો પાચન ક્રિયા વધુ સરળ બનાવે છે તેમજ તેનાથી શરિર પણ શુદ્ધ રહે છે.

-ઝાડાની સમસ્યામાં જો ચોખાના લોટને શેકી તેમાં ગાયનું દૂધ મેળવી પીવામાં આવે તો તુંરત રાહત મળે છે.

-પેટ સાફ ન આવતું હોય તો ભાતમાં દૂધ અને ખાંડ મેળવી ખાવાથી પેટ સાફ આવે છે. તેનાથી ઉલટું જો ભાતમાં દહીં મેળવીને ખાવામાં આવે તો ઝાડા બંધ થાય છે

-જો કોઈ વ્યક્તિને ભાંગ ચઢી ગઈ હોય તો ચોખાને ધોઈ તે પાણીમાં તેમાં ચપટી ખાવાનો સોડા અને થોડી ખાંડ મેળવી પીવડાવવાથી નશો ઉતરે છે. આ ઉપાય મૂત્ર વિકારની સમસ્યામાં પણ કામ લાગે છે.

-સૂર્યદય પહેલાં ચોખાના ભાત બનાવી તેમાં 25 ગ્રામ મધ મેળવીને ખાવામાં આવે અને આ પ્રયોગ અઠવાડિયા સુધી કરવામાં આવે તો આધાશીશીની બીમારી 15 દિવસમાં દૂર થઈ જાય છે.

-જો આપ ગર્ભનિરોધનો ઉપયોગ કરવા માંગતા નથી કે ગર્ભનિરોધક ગોળીઓનું સેવન પણ કરવા ઈચ્છતા નથી તો ચોખા ધોયેલા પાણીમાં ચોખાનો છોડ પીસી તેને ગાળી લો તેમાં મધ મેળવી સ્ત્રીને પીવળાવી દો. આ કોઈપણ આડઅસર વગરનું સુરક્ષિત ગર્ભનિરોધનું કામ કરે છે.

ડિપ્રેશનને બાય-બાય કહેવા બસ આટલું જ કરો

વિજ્ઞાનીઓએ દાવો કર્યો છે કે ભરપૂર પ્રમાણમાં ફળો અને શાકભાજીના સેવનથી કિશોરોમાં ડિપ્રેશન જેવી માનસિક બિમારી થતીનથી. ડેકિન યુનિવર્સિટીના ડોક્ટર ફેલિસ જૈકાએ જણાવ્યું કે, ત્રણ ચતુર્થાંશ માનસિક સમસ્યાઓ પુખ્ત થતાં પહેલાં કિશોરાવસ્થામાં જ થવા માંડે છે. કિશોરો માટે ફળો અને શાકભાજીથી ભરપૂર આહાર લેવું ખુબ જ જરૂરી છે.

જ્યારે ડોક્ટરોએ ત્રણ હજાર કિશોરોએ અભ્યાસ કર્યો હતો. તેમની પાસે પ્રશ્નપત્ર ભરાવામાં આવ્યો હતો. જેમાં ૨૦૦૫ અને ૨૦૦૭માં તેમના ડાયટની વિગતો ભરવાની હતી. જેમાં જણાવ્યું કે ૨૦૦૫માં ફળો અને શાકભાજી ખાનારને ૨૦૦૭માં ડિપ્રેશનના ઓછા લક્ષ્ણો દેખાય હતા.

ફળોમાંથી બનેલી દવા હવે વાળ સફેદ થતાં અટકાવશે

વાળ સફેદ થવાની કુદરતી પ્રક્રિયા હવે કદાચ ભૂતકાળ બની શકે છે. વિજ્ઞાનીઓએ દાવો કર્યો છે કે ફળોના અર્કમાંથી ગોળી તૈયાર કરવામાં આવી છે જેને કારણે ઉંમર વધવા સાથે વાળ સફેદ થવાની પ્રક્રિયા અટકાવી શકાશે.

એક દાયકા કરતાં વધુ સમય સુધી પ્રયોગો કર્યા બાદ એક વૈશ્વિક કોસ્મેટિક કંપની દ્વારા તૈયાર કરવામાં આવેલી આ દવા ચાર વર્ષમાં વેચાણમાં મૂકવામાં આવશે તેવી ધારણા છે. કોસ્મેટિક કંપનીએ આશા વ્યક્ત કરી છે કે આ ગોળીની શોધ સાથે હવે આઠ અબજ પાઉન્ડના હેર કલર બજાર ઉપર જીત મેળવી શકાશે. હાલ ઘણી મોટી સંખ્યામાં પુરુષો અને સ્ત્રીઓ વાળ રંગવા માટે હેરડાઈનો ઉપયોગ કરે છે. કંપનીની પ્રયોગશાળાના વડા બ્રુનો બનૉર્ડે કહ્યું કે, આ ગોળીઓને પુરુષો અને સ્ત્રીઓ બંનેનું માર્કેટ મળી રહેશે.

અમારો ઈરાદો છે કે લોકો તેમની ભોજનની જરૂરિયાતના પૂરક તરીકે તેનો ઉપયોગ કરે. આ દવા વધારે મોંઘી નહીં હોય તેમ પણ તેમણે જણાવ્યું હતું. બ્રુનોએ કહ્યું કે, આદર્શ સ્થિતિ એ છે કે વાળ સફેદ થવાની શરૂઆત થાય તે પહેલાં આ ગોળી લેવાની શરૂ કરવી જોઈએ કેમકે અમને નથી લાગતું કે એક વખત વાળ સફેદ થવાની શરૂઆત થઈ ગયા પછી આ દવાથી તેને ફરી કાળા કરી શકાય

મેદસ્વીપણું ઘટાડવા બેસ્ટ એક્સરસાઈઝ છે એરોબિક્સ...!

હ્રદય અને સક્યરૂલેટરી સિસ્ટમ (એક એવું તંત્ર જેના માધ્યમથી પોષક તત્વ જેવા અમીનો એસિડ, ઈલેક્ટ્રોલાઈટ્સ લિંફ અને ગેસ, હોર્મોન્સ પસાર થાય છે) તેના યોગ્ય સંચારમાંટે એરોબિક્સ એક્સરસાઈઝ ખૂબજ ફાયદાકારક છે.

એરોબિક્સ ન ફક્ત આ માટે જ પણ અન્ય કેટલીયે રીતે લાભદાયક સાબિત થઈ શકે છે તો જાણો કેવી રીતે...


-શુ છે એરોબિક્સ એક્સરસાઈઝ?
આને કાર્ડિયોવેસ્ક્યુલર એક્સરસાઈઝ પણ કહે છે. ફિટનેસ એક્સપર્ટ્સ કહે છે કે આ એક્સરસાઈઝને કરવામાં શરીરની બધી જ માંસપેશિઓ શામેલ થાય છે તે કારણે જ આ સૌથી વધુ કેલરી બર્ન કરે છે અને વજન ઘટાડવામાં મદદ કરે છે. તો જાણો ટોપ 4 એરોબિક્સ એક્સરસાઈઝ વિશે જે આપનું મેદસ્વીપણું ઘટાડી આપને ફિટ એન્ડ ફાઈન રાખે છે.

-સ્કીપિંગ (દોરડા કુદવા)
આ એરોબિક્સ એક્ટિવિટીમાં શરિરના નિચલા ભાગ એટલે કે થાઈઝ, હિપ્સ અને ખભા સૌથી વધુ સક્રિય હોય છે. આ સિવયા વર્કઆઉટની સરખામણીમાં મસલ્સ ઈંજરીની આશંકા ઓછી રહે છે. આ શરીરમાં કોર્ડિનેશન ઈમ્પ્રુવ કરે છે. પહેલાના સમયમાં લોકો આવન જાવન માટે બાઈકિંગ અને સાઈક્લિંગનો ઉપયોગ કરતાં હતાં. જો સાયક્લિંગને યોગ્ય પોશ્ચર અને ટેક્નિકથી કરવામાં આવે તો બેક અને શરીરના અન્ય સાંધા રિલેક્સ રહે છે. તેની ખાસિયત છે કે તે વર્ક આઉટ ઈનડોર અને આઉટડોર બન્ને છે.

-સ્વીમિંગ
આ એવું એરોબિક્સ વર્કઆઉટ છે જેમાં પૂરેપુરુ શરિર એક્ટિવ રહે છે. પાની સ્ટ્રેસ બસ્ટર છે, તેથી માણસ ન ફક્ત માનસિકરૂપે પણ શારીરિક રૂપે પણ તણાવરહિત થઈ જાય છે. ફિટનેસ એક્સપર્ટ્સનું કહેવું છે કે સ્વીમિંગ વજન ઘટાડે છે અને સાથે જ માંસપેશિયોને પણ મજબૂત બનાવે છે. સ્વીમિંગ સ્ટ્રોકથી શરીરના મેટાબોલિઝમ તેજ થાય છે અને બોડી પોશ્ચર સુધરે છે. આનાંથી શરીરમાં વધારાની કેલરી પણ બર્ન થાય છે.

-વોકિંગ
આ સૌથી સરળ એરોબિક્સ એક્ટિવિટી છે જેને બધી જ ઉંમરના લોકો કરી શકે છે. આ વિભિન્ન ઈંટેસિટી સાથે કરી શકાય છે. એક્સપર્ટ્સ કહે છે કે બ્રિક્સ વોક એટલે કે ફટાફટ કરવામાં આવેલી વોક સૌથી લાભકારી સાબિત થઈ શકે છે. વોકિંગમાં પણ બે પ્રકાર હોય છે સ્પીડ વોકિંગ અને રેસ વોકિંગ. સ્પીડ વોકિંગ સામાન્ય રીતે પ્રોફેશનલ વોકર્સ કરે છે જ્યારે રેસ વોકિંગ સામાન્ય લોકો અપનાવે છે.

-રનિંગ
અમેરિકન કોલેજ ઓફ સ્પોર્ટ્સ મેડિસિન (એસીએસએમ)ના જણાવ્યાં પ્રમાણે, એરોબિક્સ એક્સરસાઈઝના કેટલાંયે ફાયદાઓ છે. તેનાથી હાઈ ઈંટેન્સિટીથી જ કરવું પડે છે. તેનાથી શરિરની ફેટ ઓછી થાય છે અને એચડીએલ કોલેસ્ટ્રોલમાં વધારો થાય છે. આ કોલેસ્ટ્રોલ હ્રદયની કાર્યપ્રણાલી સ્વસ્થ બનાવવાં જરૂરી છે. તેનાથી હાઈ બ્લ્ડ પ્રેશરની બિમારી અને કોરોનરી આર્ટરી ડિસીઝનો ખતરો પણ ઓછો થાય છે. વિશેષજ્ઞના જણાવ્યાં પ્રમાણે, આ એક્ટિવિટીથી શરિરને એઝાઈમ્સ એક્ટિવ રહે છે અને માંસપેશિઓની ગતિશીલતા વધવામાં હોર્મોન્સની સક્રિયતા વધે છે.

એરોબિક્સ હાઈ ઈંટેસિટી વાળી એક્સરસાઈઝ છે તેથી કેટલાંય લોકોને આ કરવામાં કંટાળો આવે છે પણ તેમાં ઘણી વેરાયટી છે આપને જે પસંદ હોય તે એક્સરસાઈઝ કરી તમે ફિટ રહીં શકો છો. તમે તમારી શારીરિક સ્થિતી અને જરૂરત પ્રમાણે પસંદ કરી કરો છો

મૂંઝાયેલા-વ્યાકુળ લોકો વધુ વિશ્વાસુ હોઈ શકે

મૂંઝાઈ જતા અથવા તો પરિસ્થિતિથી આકુળ-વ્યાકુળ થઈ જતા લોકો વધુ વિશ્વાસુ અને વધુ ઉદાર હોઈ શકે તેવું એક અભ્યાસ દ્વારા પુરવાર કરવામાં આવ્યું છે. કેલિફોર્નિયા યુનિવર્સિટીના સંશોધકોએ આ અંગે એક વ્યાપક અભ્યાસ કર્યો હતો જેમાં તેમણે એવું પુરવાર કરવા પ્રયાસ કર્યો છે કે મૂંઝાઈ જવું એ સારી બાબત છે, એટલું જ નહીં પણ વાસ્તવમાં મૂંઝવણ એ જે-તે વ્યક્તિની એક એવી લાગણીશીલ સ્થિતિ છે જેના ઉપર તમે વિશ્વાસ રાખી શકો છો.

આ સંશોધન સહકાર અથવા વિશ્વાસુ ટીમ ઊભી કરવા માગતા તેમજ બિઝનેસ ભાગીદારો શોધવા માગતા હોય તેમના માટે ઉપયોગી છે, એટલું જ નહીં, પરંતુ આવા લોકો ડેટિંગ અંગે પણ ઉપયોગી ટિપ્સ આપી શકે છે. જે લોકો સરળતાથી મૂંઝારો કે વ્યાકુળતા અનુભવતા હોય તેઓ એક પત્ની કે એક પતિત્વમાં પણ માનતા હોવાનું આ અભ્યાસનું તારણ છે.

‘મૂંઝવણની એક સંતુલિત સ્થિતિ એ સદ્ગુણનું લક્ષણ છે. અમારાં તારણો સૂચવે છે કે મૂંઝવણ એ સારી બાબત છે અને તેને દૂર કરવાનો પ્રયાસ ન કરવો જોઈએ,’ તેમ આ અભ્યાસનું નેતૃત્વ લેનાર મેથ્યુ ફિનબર્ગે જણાવ્યું હતું. મૂંઝવણની સ્થિતિનું સૌથી જાણીતું લક્ષણ ચહેરો નીચો કરી દેવો એ છે જ્યારે કેટલાક લોકો ચહેરો આંશિક રીતે ઢાંકી દેતા હોય છે અથવા આખો ચહેરો પણ હાથથી ઢાંકી દેવાતો હોય છે. આ અભ્યાસ માટે પ્રથમ તબક્કામાં કોલેજના ૬૦ વિદ્યાર્થીઓની મૂંઝવણભરી સ્થિતિનો વીડિયો ઉતારવામાં આવ્યો હતો. આ ઉપરાંત ૩૮ અમેરિકી નાગરિકો ઉપર પણ આ અંગે પ્રયોગ કરવામાં આવ્યા હતા અને તેના આધારે સંશોધકો આ તારણ ઉપર આવ્યા હતા.

ધૂમ્રપાનની આદત તમને ભૂલકણા બનાવશે

ધૂમ્રપાન શા માટે છોડી દેવું જોઈએ તેનું વધુ એક કારણ આ રહ્યું... ધૂમ્રપાન કરનાર લોકો તેમની ત્રીજા ભાગની રોજિંદી યાદશક્તિ ગુમાવી દેતા હોય છે. બ્રિટનમાં આ અંગે થયેલા અભ્યાસ દ્વારા એ પણ સ્પષ્ટ થયું છે કે જે લોકો ધૂમ્રપાન છોડી દે તેઓ તેમની યાદશક્તિ ફરીથી પાછી મેળવી શકે છે. રોજિંદી યાદશક્તિ એટલે વ્યક્તિની દૈનિક કામગીરી સાથે સંકળાયેલી બાબતો. જેમ કે, દિવસ દરમિયાન કરવા માટેનાં અગત્યનાં કામો, નામો યાદ રાખવા, ખરીદી માટેની ચીજો ન ભૂલવી વગેરે.

આ અભ્યાસ માટે સંશોધકોએ ૧૮થી ૨૫ વર્ષની વયજુથના ૭૦ લોકોને યુનિવર્સિટી કેમ્પસની મુલાકાત કરાવવામાં આવી હતી. ત્યારપછી આ લોકોને તેમણે જોયેલી નાની નાની વિગતો યાદ કરવા જણાવવામાં આવ્યું હતું. આ પૈકી જે લોકો ધૂમ્રપાન કરવાની ટેવવાળા હતા તેમાંના માત્ર ૫૪ ટકા લોકોને જ અમુક વિગતો યાદ રહી હતી, જ્યારે કદી ધૂમ્રપાન નહિ કરનાર ૮૧ ટકા લોકો વિગતવાર જવાબો આપી શક્યા હતા.

માછલીનાં તેલથી મગજ તેજસ્વી થતું નથી

અમેરિકન જર્નલ ઓફ ક્લિનિકલ ન્યૂટ્રિશનમાં પ્રસિદ્ધ કરવામાં આવેલા એક સંશોધનમાં જણાવવામાં આવ્યું છે કે, સગભૉ મહિલાઓ માટે માછલીનાં તેલમાંથી બનેલી કેપ્સૂલ અથવા અન્ય પ્રકારની દવાઓ લેવાથી જન્મ લેનાર બાળકના મગજના વિકાસ પર કોઇ અસર થતી નથી.


નોર્વેમાં થયેલાં સંશોધનમાં જણાવવામાં આવ્યું છે કે, માછલીનાં તેલથી બનેલી કેપ્સૂલનું સેવન કરનારી મહિલાઓનાં બાળકોના મગજનો વિકાસ કેપ્સૂલનું સેવન નહીં કરનારી માતાઓના બાળકો જેવું જ થયું હતું. ખરેખર માછલીમાં મળતાં ડોકા સાહેકસોનોઇક એસિડ (ડીએચએ) જેવા ફેટી એસિડ ભ્રૂણના વિકાસ માટે મહત્વના હોવાનું માનવામાં આવે છે.


સ્પેનની ગ્રનાડા યુનિવર્સિટીના સંશોધક સટીના કેંપાએ જણાવ્યું કે, અમે માછલીનાં તેલથી બનેલી દવાઓનું સેવન કરનારી સગભૉ મહિલાઓનાં બાળકોમાં ખાસ અસર જોઇ નથી. આ પ્રકારની કેપ્સૂલ લેવાનું નુકસાનકારક નથી, પરંતુ તેના લાભના કોઇ વિજ્ઞાની પ્રમાણ પણ મળ્યાં નથી.

ઓરલ સ્ટેરોઇડથી વિટામિન ડી ઘટવાનો ખતરો

એક સંશોધનમાં જણાવવામાં આવ્યું છે કે, સામાન્ય લોકોની સરખામણીમાં ઓરલ સ્ટેરોઇડ લેનારાઓમાં વિટામિન ડીની ઉણપથી થનારા રોગોનો ખતરો બમણો હોય છે. તેના માટે ૩૧,૦૦૦ બાળકો અને પ્રૌઢ પર અભ્યાસ કરવામાં આવ્યો છે.

અભ્યાસમાં જણાવવામાં આવ્યું છે કે, ડોક્ટરોએ સ્ટેરોઇડ દ્વારા જેમનો ઇલાજ ચાલુ હોય એવા દર્દીઓમાં વિટામિન ડી ના સ્તરની તપાસ કડક રીતે કરવી જોઇએ. અલ્બર્ટ આઇન્સટીન કોલેજ ઓફ મેડિસિનના સહાયક પ્રોફેસર એમી સ્કવેરસ્કાયે જણાવ્યું કે, સ્ટેરોઇડના ઉપયોગથી વિટામિન ડી ની ઉણપ થઇ જાય છે. તેના ઉપયોગને કારણે વધનાર એન્જાઇમનું સ્તર વિટામિન ડીને નિષ્ક્રિય કરી દે છે.

દરરોજ 6-7 કાજુ ખાવાની ટેવ પાડો પછી જુઓ ફાયદો

કહેવાય છે કે મેવાનું રાજ કાજૂમાં છે. અને ખરેખર કાજૂનો કોઇ જવાબ નથી. આને ખાવાથી જ્યાં તમને ઊર્જા મળે છે ત્યાંજ તમને સુંદર પણ બનાવે છે.કાજૂમાં પ્રોટીનની માત્રા ધણી વઘારે હોય છે જે તમારા હાડકાઓને મજબૂત બનાવે છે. કાજૂ મસૂડા અને દાંતોને સ્વસ્થ રાખે છે.


તમને ખબર છે કે કાજૂમાં મોનો સૈચુરેટડ ફેટ હોય છે જે હ્રદયને સ્વસ્થ રાખે છે અને હ્રદયના રોગોથી દુર રાખે છે. કાજૂમાં એન્ટી ઓક્સિડેંટ પણ હોય છે જે કેન્સરથી ચાવે છે. કાજૂમાં વઘારે પડતી ઊર્જા હોય છે અને તેમાં dietry fibre ની માત્રા પણ વઘારે હોય છે તેના લીઘે તેને ખાવાથી શરીરનું વજન સંતુલિત રહે છે.


રોજ સવારે 6-7 કાજૂનો નિયમિત સેવન કરવાથી વાળ ઉતરતા બંઘ થાય છે. અને સ્ક્રિન માટે પણ ઘણો ફાયદાકારક છે. કાજૂને દૂધમાં ભેળવી રગડવાથી સ્ક્રિન સુંદર અને મુલાયમ બને છે.સાથે કાજૂ તમારી રંગત પણ નિખારે છે. હા, એ સાચું છે કે કાજૂ ઘણો મોંઘો છે પણ સૌ દવાઓ ખાવાથી સારું છે કે કાજૂનો સેવન કરો. જે તમને સુંદર અને સેહતમંદ બનવા છે.

ગભૉવસ્થામાં શા માટે કસરત જરૂરી?

ગભૉવસ્થામાં કરેલી કસરત બાળકને ભવિષ્યમાં અલ્ઝાઈમરથી બચાવી શકે

ગભૉવસ્થા દરમિયાન મહિલાઓ જો હળવી કસરત કરવાનું ચાલુ રાખે તો ભવિષ્યમાં તેમનાં બાળકોને અલ્ઝાઈમર સહિત મજજાતંતુઓની અન્ય બીમારીઓથી બચાવી શકાય છે. આ અંગે સંશોધકોએ ગભૉવસ્થા દરમિયાન હળવી કસરત કરનાર અને શરીરને સંપૂર્ણ આરામ આપનાર એમ બે પ્રકારની મહિલાઓનો વ્યાપક અભ્યાસ કર્યો હતો અને તેના આધારે તેમણે તારણ કાઢયું કે, ગર્ભવતી માતા કસરતનો સહારો લે તો આવનાર બાળકના સ્વાસ્થ્ય ઉપર ઘણી હકારાત્મક અસર પડે છે.

જર્મનીમાં એસાનસ્થિત યુનિવર્સિટી હોસ્પિટલ એસાનનાં ડૉ. કેથી કેવેનીએ કહ્યું હતું કે, ગભૉવસ્થા દરમિયાન જેન અને પ્રોટીનમાં થતા ફેરફારો કસરતથી સંતુલનમાં રહી શકે છે અને તેના આધારે આવનાર બાળકને મગજને લગતી વિવિધ બીમારીમાંથી બચાવી શકાય છે. તેમણે જણાવ્યું કે, કસરત કરવાની યોગ્ય પદ્ધતિ બાબતે સાચી સમજ હોય અને તે સાથે નવી રીતે સારવારનો આશ્રય લેવામાં આવે તો અલ્ઝાઈમર જેવી બીમારી અટકાવી શકાય છે, એટલું જ નહીં, પરંતુ મગજ અને વર્તણૂંકને લગતી સમસ્યાઓમાંથી બચી શકાય છે.

સંશોધકોએ તેમના પ્રયોગમાં મૂશકોને પણ સામેલ કર્યા હતા અને તે દ્વારા સમગ્ર અભ્યાસને તાિર્કક બનાવવામાં આવ્યો હતો. આ માટે તેમણે અલ્ઝાઈમર પીડિત ઉંદરના નવા જન્મેલા બચ્ચાંને પાંચ મહિના સુધી અલગ પાંજરામાં રાખીને પ્રયોગો કર્યા હતા.

ગભૉવસ્થા દરમિયાન થતા ફેરફારો મહત્વના જર્મનીમાં એસાનસ્થિત યુનિવર્સિટી હોસ્પિટલ એસાનનાં ડૉ. કેથી કેવેનીએ કહ્યું હતું કે, ગભૉવસ્થા દરમિયાન જેન અને પ્રોટીનમાં થતા ફેરફારો કસરતથી સંતુલનમાં રહી શકે છે અને તેના આધારે આવનાર બાળકને મગજને લગતી વિવિધ બીમારીમાંથી બચાવી શકાય છે

ડાયાબીટિસ ઘટાડવો હોય તો ધીમે-ધીમે ખાવ

ડાયાબીટિસ થવાનો ખતરો ઘટાડવો હોય તો, ઉતાવળે ન ખાવ, પરંતુ ધીમે-ધીમે ચાવીને ખાવ. જાપાનના સંશોધકોએ કરેલાં એક અભ્યાસમાં એવું શોધી કાઢવામાં આવ્યું કે, ધીમે-ધીમે ખાનારાઓમાં તૂટેલા ગ્લુકોઝને જોડવાનું કામ બમણી ગતિએ થાય છે. જે લોકોમાં તૂટેલા ગ્લુકોઝને સહન કરવાની શક્તિ હોય છે, એવા લોકોના લોહીમાં ગ્લુકોઝની માત્રા વધુ હોય છે, પરંતુ તે ડાયાબીટિસ થવાનું કારણ જેટલી વધુ હોતી નથી.

જો સાવચેતીનાં પગલાં ભરવામાં નહીં આવે તો, તે ટાઇપ-૨ ડાયાબીટિસમાં રૂપાંતર થઇ શકે છે. આવા ૪૦થી ૫૦ ટકા લોકોને આગામી ૧૦ વર્ષમાં ટાઇપ-૨ ડાયાબીટિસ થઇ શકે છે. અભ્યાસમાં જાણવા મળ્યું કે, ઉતાવળે ખાવાથી ખતરો વધી જાય છે.

વર્ક પ્લેસ ઉપર આ રીતે બેસો, તો થાક નહીં લાગે

પોશ્ચરનો અર્થ છે તમારા કામ કરવાની મુદ્રા કે શૈલી. તમે કોઈપણ કામને કોઈ ઢંગથી કરો તે જ પોશ્ચર છે. લાંબા સમય સુધી રોજ કમ્પ્યૂટર વર્ક કરવા માટે યોગ્ય પોશ્ચરમાં બેસવું જરૂરી છે. યોગ્ય પોશ્ચરમાં બેસવાથી કમરને લગતી સમસ્યા પેદા થતી નથી. સાથે જ થાક પણ ઓછો લાગે છે. કમ્પ્યૂટર ઉપર કામ કરનારાઓએ આ વાતનું વિશેષ ધ્યાન રાખવું જોઈએ કે તેમને બેસવાની ચેર કેવી છે? ચેર પૂરી રીતે સુવિધાજનક હોવી જોઈએ.

-કામ કરતી વખતે કમર એકદમ સીધી રાખો.

-કમ્પ્યૂટર રાખવા માટે કમ્પ્યૂટર ટેબલનો યોગ્ય ઉપયોગ કરો.

-કિબોર્ડ એટલી ઊંચાઈએ રાખે કે ટાઈપ કરવામાં પરેશાની ન થાય.

-એક જ પોઝિશનમાં લાંબો સમય કામ કરવાને બદલે થોડી-થોડી વારે પોઝિશનમાં ફેરફાર કરતા રહેવું.

-પગને એકબીજા ઉપર ચડાવીને પણ થોડી વાર બેસવું જોઈએ પણ આખો દિવસ પગ ઉપર પગ ચડાવીને ન બેસવું.

-કમ્પ્યૂટર ઉપર સતત કામ કરીને આંગળી થાકી ગઈ હોય તો બંને હાથે એકબીજાને મસાજ કરવો.

-ખુર્શી એવી જ હોવી જોઈએ કે જે આરામ આપે. જો તમારો કમરનો ભાગ ખુર્શીને ટચ ન હોય તો લાંબા સમય એ સ્થિતમાં બેસવાથી કમરને આરામ ન મળતા દુઃખાવો થઈ શકે છે.

રાઈ અને સરસવથી મેદસ્વીતા દૂર થાય છે

ગુજરાતીમાં કહેવત છે કે 'નાનો પણ રાઈનો દાણો'. આ કહેવતને શારીરિક તંદુરસ્તીના સંદર્ભમાં મૂલવીએ તો નાનકડો રાઈનો દાણો સાચા અર્થમાં શરીરને મજબૂત અને કસાયેલું બનાવે છે અને મેદસ્વીતા તેમજ ચરબીને દૂર કરે છે. હ્યુમન હેલ્થ ઇન્સ્ટિટયૂટ દ્વારા હાથ ધરવામાં આવેલો અભ્યાસ એવો નિર્દેશ કરે છે કે રાઈ કે સરસવનો ખોરાકમાં ઉપયોગ કરવાથી શરીરનું જાડાપણું દૂર થાય છે અને સ્નાયુઓને મજબૂત બનાવીને શરીરને કસાયેલું રાખે છે.

• સ્નાયુઓને મજબૂત બનાવી શરીરને કસાયેલું રાખે છે

રાઈ કે સરસવના છોડમાં રહેલું હોમોબ્રાસિનોલાઈડ શરીરની પોષણની અને ચયાપચયની પ્રક્રિયાને વધારે સક્રિય બનાવે છે, જેને કારણે પાચનક્ષમતા વધે છે અને મસલ્સ મજબૂત બને છે. શરીરની ચુસ્તી અને સ્ફૂર્તિ જાળવવા માટે તેમજ મસલ્સને મજબૂત બનાવવા માટે રાઈ અને સરસવના દાણામાં રહેલું બ્રાસિનોસ્ટેરોઈડ અકસીર પુરવાર થશે તેવું સ્લાવકો કોમાર્નીટસ્કીએ જણાવ્યું હતું. સ્લાવકો દ્વારા રાઈ અને સરસવના છોડનો અભ્યાસ કરીને તેમાં રહેલાં ઘટકોની શરીર પર અસરો અંગે સંશોધન કરવામાં આવ્યું હતું.
કોમાર્નીટસ્કી અને તેના સાથીઓએ કેટલાક ઉંદરો પર આ અંગે પ્રયોગો કર્યા હતા અને ઉંદરોના મસલ્સમાં રહેલા પ્રોટીન સિન્થેસિસના પ્રમાણનો અભ્યાસ કર્યો હતો. તંદુરસ્ત ઉંદરોને ૨૪ દિવસ માટે હોમોબ્રાસિનોલાઈડ આપવામાં આવ્યા પછી તેમના વજનમાં ઘટાડો થયો હતો અને ચરબીનું પ્રમાણ ઘટયું હતું તેમજ મસલ્સ મજબૂત બન્યા હતા. માનવીઓને પણ રાઈ અને સરસવથી ફાયદો કેવી રીતે થાય તે માટે વધુ પ્રયોગો હાથ ધરાઈ રહ્યાં છે.

બાળકોમાં હીપેટાઇટિસ એ (સાદો કમળો)

નાનાં બાળકો બહારનો ખોરાક અને પાણી પીએ તો ઉનાળા દરમિયાન તેમને કમળો થવાની શક્યતા રહે છે.

ઉનાળો શરૂ થતાં જ બાળકોમાં પાણી તથા ખોરાકજન્ય રોગો જેમ કે ઝાડા-ઊલટી, ટાઇફોઇડ તથા સાદો કમળો (હીપેટાઇટિસ-એ)ના કિસ્સા ખૂબ વધી જતા હોય છે. બાળકોને આ રોગથી બચાવવા (અથૉત્ Prevention) શક્ય હોવાથી તેના વિશે જ્ઞાન મેળવવું જરૂરી છે.

લક્ષણો

બાળકને ખૂબ થાક લાગે છે, સૂઇ રહે છે. બે-ત્રણ દિવસથી રમતું નથી. ભૂખ ઓછી લાગે છે. ઊલટી-ઉબકાં આવે છે તેને પેટમાં દુ:ખે છે. આંખ, ચામડી તથા પેશાબમાં પીળાશ દેખાય. શરીરે ચળ આવવી તથા ફિક્કો ઝાડો થવો. આ સાદા કમળાનાં લક્ષણો છે.

ચેપનો સ્ત્રોત

દુષિત આહાર તથા પાણી ખાસ કરીને કાચો, અધકચરો આહાર જેમ કે ફળો તથા શાકભાજી દ્વારા. બરાબર રાંધેલો હોય પરંતુ કમળાથી ચેપગ્રસ્ત વ્યક્તિ દ્વારા પીરસાતા આહારથી પણ થઇ શકે છે.

જોખમ કોને રહે?

શાળા, આંગણવાડી, બાળસંભાળ કેન્દ્રો તથા સ્વિંમગપૂલ વગેરેમાં ચેપગ્રસ્ત વ્યક્તિનો સંસર્ગ અથવા તેમનાથી પીરસાતા ખોરાક દ્વારા.

નિદાન

લોહીમાં SGPT ટેસ્ટથી તથા પેશાબમાં બાઇલ સોલ્ટ, બાઇલ પિગ્મેન્ટ નામની તપાસથી હીપેટાઇટિસ છે કે નહીં તે જાણી શકાય. સીરમ બીલીરૂબીન નામની તપાસથી રોગની ગંભીરતા તથા ઓસ્ટ્રેલિયા એન્ટિજન નામની તપાસથી કમળો A પ્રકારનો (સાદો) છે કે B પ્રકારનો (ઝેરી) છે તે જાણી શકાય. રોગનાં વાહકો તથા રોગના અન્ય કોમ્પ્લિકેશન જાણવા અન્ય એન્ટિબોડીઝ ટેસ્ટ હોય છે.

સારવાર

બાળકો માટે Bed rest શક્ય નથી પરંતુ ઘરમાં જ રમે તથા આરામ કરે. વધુ પ્રમાણમાં ગ્લુકોઝ તથા ઇલેકટ્રોલાઇટયુક્ત પાણી આપવું. ચરબીવિહીન ખોરાકથી લગભગ ૨-૩ અઠવાડિયાંમાં દર્દીને સારું થઇ જાય. ખૂબ ઊલટીઓ થાય, પૂરતા પ્રમાણમાં પ્રવાહી લઇ ન શકતા બાળકોને જરૂર લાગે તો દાખલ પણ કરવામાં આવે. આ રોગને થતો અટકાવી શકાય છે. યોગ્ય ચોખ્ખાઇ, વ્યક્તિગત સ્વચ્છતા, ચોખ્ખો તાજો રાંધેલો-ઢાંકેલો ખોરાક, ઉકાળેલું પાણી તથા ડોક્ટરની સલાહ પ્રમાણે રસી અપાવવા જેવી સંભાળ રાખવાથી રોગને થતો અટકાવી શકાય.

પ્રોટિનથી ભરપૂર હોવો જોઈએ સવારનો નાસ્તો

જો તમે સ્વસ્થ રહેવા માંગતા હોવ તો સવારના નાસ્તમાં પ્રોટિનથી ભરપૂર આહાર લો. આનાથી તમારું પેટ ભરાઈ જશે અને વધારે ખોરાક પણ નહીં ખાઓ. આધુનિક અને તણાવભર્યા જીવનમાં વધારે ખોરાક અભિશાપ બની ગયો છે.


મિસોરી યુનિવર્સિટીના સંશોધકોનું કહેવું છે કે એવો નાસ્તો મસ્તિષ્કમાં ખાવાની ઈચ્છાને નિયંત્રિત કરતા સંકેતોને ઓછો કરી દે છે અને આ કારણે ખાવાના વ્યવહારમાં ઘણો બદલાવ આવે છે.


'ઓબેસિટી' પત્રિકા અનુસાર સેહતથી ભરપૂર અને પ્રોટિનની અધિક માત્રા વાળું ભોજન લેવું ભૂખને નિયંત્રિત કરવાની સામાન્ય રીત છે. આનાથી બહુ વધારે ભૂખ નથી લાગતી અને તમે વધારે પ્રમાણમાં ખાતા નથી.


યુનિવર્સિટીના સહાયક પ્રોફેસર હીથર લીડી કહે છે " દરેક વ્યક્તિ જાણે છે કે સવારનો નાસ્તો કેટલો મહત્વપૂર્ણ હોય છે પણ તેના પર મોટાભાગના લોકો તે પ્રત્યે ધ્યાન નથી આપતાં."


સંશોધકોએ પોતાના અભ્યાસમાં જોયું કે સવારનો નાસ્તો ન કરતા યુવાનો અસ્વસ્થ આહાર લે છે. આવા લોકો રાત્રે વધુ ખાય છે અને આ કારણે તેમનું વજન વધે છે અને તેઓ મોટાપાનો શિકાર બને છે. તેમણે જોયું કે 60 ટકા યુવાનો સવારે નાસ્તો નથી કરતાં.


તેમની સરખામણીમાં સવારે નાસ્તો કરતા લોકોની ભૂખ નિયંત્રિત રહે છે અને તેઓ અસ્વસ્થ આહાર વધુ ન લેતા હોવાથી અને વધારે ખોરાક ન ખાતા હોવાથી મેદસ્વીતાથી બચે છે. પ્રોટિનથી ભરપૂર નાસ્તો તમને દિવસભર વધુ ખાવાથી બચાવે છે.

રોજ એક સરખો ખોરાક ખાવાથી વજન ઉતારી શકાય !!

સતત સરખો ખોરાક ખાવામાં રસ ઓછો કરતો હોય છે

શું આપ વધતા વજન સાથે ઝઝૂમી રહ્યા છો ? તો રોજ એક સરખો ખોરાક ખાઓ એવું વિજ્ઞાનીઓનું કહેવું છે. અમેરિકાની બફેલો યુનિવર્સિટીના સંશોધનકારોએ શોધી કાઢયું છે કે તમે રોજ એકનો એક જ ખોરાક સતત ખાઓ તો તમને એ ખાવામાં બહુ રસ ન પડે અને તેથી તમે ઓછું ખાઈ શકો.અમેરિકન સોસાયટી ફોર ન્યુટ્રિશનના પ્રવકતા શેલે મેકગ્યુરે કહ્યું કે, ‘અભ્યાસમાં મેદિસ્વતાની જટિલ સમસ્યા પર રસદપ્રદ તારણો આપ્યાં છે. એમાં સતત એક્સરખો ખોરાક ખરેખર તો કેલરી ઘટાડવામાં મદદરૂપ બને છે.’ લાઇવ સાયન્સ મેકગ્યુરેને ટાંકતાં જણાવ્યું હતું કે, ‘આ તરકીબ અજમાવવા સાથે સારા ખોરાકમાં વિવિધતાનાં મહત્વને સમતોલ રાખવાનો વિચાર અમલમાં મૂકી શકાય.’

અમેરિકન જર્નલ ઓફ ક્લિનિકલ ન્યૂટ્રિશનમાં પ્રકાશિત થયેલા અભ્યાસમાં સંશોધનકારોએ ૩૨ મહિલાઓની ભરતી કરીને તેમને કમ્પ્યૂટર ટાસ્કમાં જોતરી હતી. તેઓને પ્રત્યેક ટાસ્ક પૂરો કર્યા બાદ દર વખતે મેક્રોની અને ચીઝ અપાતા હતા. અભ્યાસનો કોર્સ પૂરો થવા સુધી તમામ મહિલાઓએ પાંચ સત્ર પૂરાં કર્યાં, પરંતુ અડધી મહિલાઓ પાંચ દિવસ સતત એક સત્રમાં ભાગ લેતી હતી, જ્યારે અન્ય અડધી મહિલાઓ પાંચ સપ્તાહના કોર્સમાં સપ્તાહમાં એક વખત સત્રમાં ભાગ લેતી હતી.

સપ્તાહ સુધી રોજ મેક્રોની અને ચીઝ ખાનારી મહિલાઓમાં સપ્તાહના અંતની સરખામણીએ ૧૦૦ જેટલી ઓછી કેલરી જોવા મળી હતી.સંશોધનકારોએ જણાવ્યું હતું કે અભ્યાસના અંતે જે મહિલાઓએ સપ્તાહમાં ૧૦ સત્રોમાં હાજર રહેવામાં ગાળો રાખ્યો હતો તેઓમાં ૩૦ વધુ કેલરી જોવા મળી હતી. તારણોમાં જાણવા મળ્યું હતું કે એક સરખો ખોરાક ખાવાથી તેની ટેવ પડી જાય છે. વળી આવો ખોરાક સપ્તાહમાં એક વખત ખાવાથી તેનાથી કોઈ ટેવાતું નથી

ફ્રિજને પણ ટક્કર મારે એવું છે આ દેશી ફિજ

માટલા અને કૂંજાનું પાણી પીવાનો જે આનંદ આવે છે, એ ફ્રજિના ઠંડા પાણીમાં ક્યાં? માટીનાં વાસણના ઉપયોગના બીજા પણ અનેક લાભ છે. માટલાની ખૂબીઓ વિશે થોડું જાણીએ...

-ગ્રામ્ય વિસ્તારની મહિલાઓ માટલા અને કૂંજાની પારખુ હોય છે. તેઓ તો જોઇને જ કહી દે છે કે ક્યા માટલા કે કૂંજામાં પાણી વધારે ઠંડું રહેશે.-માટીના વાસણોમાં રાખેલી ખાદ્યસામગ્રી ઝડપથી બગડતી ન હોવાથી ગ્રામ્ય વિસ્તારોમાં તો આનો ઉપયોગ ફ્રજિની માફક કરવામાં આવે છે. કદાચ આ માન્યતાને લીધે જ આ વાસણોને દેશી ફ્રજિનું નામ આપવામાં આવ્યું છે. -માટલાને અંદરની તરફથી હળવા હાથે ઘસીને સાફ કરવું. નહીંતર તેના બારીક છિદ્રો બંધ થઇ જાય છે અને પાણી વધારે ઠંડું નથી થતું.

ભૌતિક સુખસગવડના આ જમાનામાં દેશી ફ્રજિ એટલે કે માટલાની માગ હંંમેશાં રહે છે. ભલે આને પસંદ કરનારા ઓછા હોય, પણ હોય તો છે જ. ‘માટલાં લો...’ ‘કૂંજા લાવ્યો...’ ‘આવ્યું દેશી ફ્રિજ...’ની બૂમો ઉનાળો શરૂ થતાંની સાથે જ સંભળાવા લાગે છે. અલબત્ત, ગ્રામ્ય વિસ્તારોમાં તો આજે પણ દેશી ફ્રિજે પોતાનું અસ્તિત્વ જાળવી રાખ્યું છે. એટલું જ નહીં, શહેરમાં પણ એકાદ નાનો ખૂણો તો હોય જ છે. ધીમે ધીમે લોકો આનું મહત્વ જાણવા લાગ્યા છે. એવા કેટલાય ઘર હજી જોવા મળે છે, જ્યાં આજે પણ માટીનાં અનેક વાસણોનો ઉપયોગ થાય છે.

*મૂળિયાં છે ઊંડા

માટીનાં વાસણોનો ઈતિહાસ આપણી માનવ સભ્યતા સાથે સંકળાયેલો છે. સિંધ સંસ્કૃતિના ખોદકામ દરમિયાન માટીનાં અનેક વાસણો મળી આવ્યા હતા. પહેલાંનાં જમાનામાં માટીનાં વાસણો વજનદાર હતા, આજે એ જ વાસણો વજનમાં હળવા, ગોળ અને કલાત્મક આકારમાં મળવા લાગ્યા છે.

પ્રાચીન કાળથી કુંભાર માટીનાં વાસણો બનાવે છે. કુંભાર એ કુંભકાર શબ્દનો અપભ્રંશ છે. માટલાને કુંભ કહેવામાં આવે છે અને કુંભારનો અર્થ થાય છે - માટલા બનાવનાર.

એક જમાનામાં માટલાની માગ એટલી બધી રહેતી હતી કે આખું વર્ષ કુંભાર માટલા બનાવે તો પણ લોકોને માટલા જોઇએ એટલા મળી રહેતાં નહીં. પાણી ભરવાની સાથોસાથ આપણા પૂર્વજો રસોઇ બનાવવા, દહીં જમાવવા, છાશ બનાવવા માટે પણ માટીનાં વાસણોનો ઉપયોગ કરતાં હતાં. તેઓ આ વાસણોના ગુણ પણ સારી રીતે જાણતાં હતાં. ચાલો જાણીએ, આ વાસણના ઉપયોગથી ક્યા લાભ થાય છે?

*લાભ છે અનેક

આપણે ત્યાં સૈકાંઓથી કુદરતી ચિકિત્સા પદ્ધતિમાં માટીનો ઉપયોગ થાય છે. વાસ્તવમાં, માટીમાં અનેક પ્રકારના રોગનો પ્રતિકાર કરવાની ક્ષમતા રહેલી છે. નિષ્ણાતોના મતે, માટીનાં વાસણોમાં ભોજન કે પાણી રાખવામાં આવે, તો તેમાં માટીના ગુણ આવે છે. આથી માટીનાં વાસણમાં રાખેલા પાણી અને ભોજન આપણને સ્વસ્થ રાખવામાં મહત્વની ભૂમિકા ભજવે છે.

જોકે સ્વાદના શોખીનો પણ માટીનાં વાસણોના મહત્વને સારી રીતે જાણે છે તેથી જ તો માટલા કે કૂંજાના પાણીની ઠંડક અને મહેક, તેમને ફ્રજિના પાણીથી વધારે સારું લાગે છે. માટીની નાનકડી હાંડીમાં જમાવેલું દહીં ઘટ્ટ અને સ્વાદિષ્ટ લાગે છે.

*આજે પણ આ દેશી ફ્રિજનું પાણી પીવાની સલાહ આપે છે ડોક્ટર્સ-

સગભૉઓને ફ્રિજનું અત્યંત ઠંડું પાણી પીવાની સલાહ આપવામાં આવતી નથી. તેમને કહેવામાં આવે છે કે માટલા કે કૂંજાનું પાણી પીએ. આ પાણી સ્વાસ્થ્યની દ્રષ્ટિએ તો ઠંડું હોય જ છે, તેમાં માટીની મહેક પણ આવે છે.

હા, એટલી સાવધાની રાખવાનું ચોક્કસ કહેવામાં આવે છે કે માટલા અને કૂંજાને સ્વચ્છ રાખે, ઢાંકીને રાખે અને જે વાસણથી પાણી કાઢવામાં આવે, તે સ્વચ્છ જગ્યાએ મૂકવામાં આવેલું હોય.

માટલા અને કૂંજાનો ઉપયોગ કરવાના પણ કેટલાક નિયમ છે. તેના બારીક અસંખ્ય છિદ્રોને હાથથી સાફ કરી શકાતા નથી. માટીના નવા વાસણમાં પાણી ભરી, તે ક્યાંયથી ઝમતું નથી તે ચકાસી લીધા પછી માત્ર ધોઇને તરત જ ઉપયોગમાં લઇ શકાય છે. તે પછી જ્યારે ધોવું હોય ત્યારે સ્ક્રબથી અંદરની સપાટીને સાફ કરો.

માટલા અને કૂંજાનું પાણી રોજેરોજ બદલવું. લાંબા સમય સુધી પાણી ભરાયેલું રહેવાથી છિદ્રો પૂરાઇ જાય છે. પરંપરાના ઉત્તમ ઉદાહરણ છે, માટલા અને કૂંજા.

હવે બસ એક ઈન્જેક્શન કરશે તમારી ચરબી છૂમંતર

-ભારતિય મૂળના વૈજ્ઞાનિક રાણેની ટીમે શોધ્યું આ રસાયણ

બસ એક ઈન્જેક્શન જે આપના શરીરની ચરબી ઓછી કરવામાં મદદ કરશે. ભારતીય મૂળના એક સંશોધનકર્તા સુશીલ રાણેના નેતૃત્વ હેઠળ તેમની ટીમે એક એવું રસાયણ તૈયાર કર્યું છે જે શરિરની વધારાની ચરબી ઉતારવામાં મદદરૂપ થાય છે. આ રસાયણયુક્ત ઈન્જેક્શનનું પરિક્ષણ થોડા સમય પહેલાં જ કરવામાં આવ્યું હતું.

આ ઈન્જેક્શન શરીરની વધારાની ચરબી ઓછી કરવામાં વપરાશે. દવાઓનો ઉપયોગ શરીરની ચરબી ઉતારે છે પણ તેનાથી સમય લાગે છે. તેમજ તેનાથી ક્યારેક આડઅસર પણ થાય છે.

જ્યારે રિસર્ચ કરનાર ડૉ. રાણેએ જણાવ્યું હતું કે, શરીરની વધારાની ચરબીને નિયંત્રણમાં લેવાનું પડકારરૂપ કામ હતું અને તેના માટે જ આ ઈન્જેક્શન તૈયાર કરવામાં આવ્યું છે હાલમાં તો આ ઈન્જેક્શનનું સફળ પરિક્ષણ થઈ ગયું છે.

આ ઈન્જેક્શનથી શરિરની ચરબી ઓછી થાય છે તેમજ બ્લડમાં શુગરની માત્રા પણ જળવાઈ રહે છે. ટુંક સમયમાં જ આ ઈન્જેક્શન ડૉક્ટર્સ તેમના દર્દીઓ માટે વાપરતાં થઈ જશે.

આ પ્રકારનું નાક(nose) બહુ શુભ નથી હોતું

આ સમાચાર માટે તમારે નાક હોવું જરૂરી છે. માનવ મુખના આ મહત્વના અવયવના ૧૪ પ્રકાર હોવાનું સંશોધકોએ શોધી કાઢ્યું છે. ઈઝરાયલની બેન-ગુરીઓન યુનિવર્સિટીના પ્રોફેસર અબ્રાહમ તમિરે તેમના સંશોધનમાં માનવ નાકના જુદા-જુદા આકાર હોવાનો દાવો કર્યો હોવાનું‘ડેઈલી મેઈલ’ના અહેવાલમાં જણાવાયું હતું.

સંશોધનમાં ૧૪ પ્રકારનાં નાક હોવાનું જણાવાયું છે. જેમાં જાડાથી માંડીને સુંદર નાકના વિવિધ પ્રકાર હોય છે. જાડા નાકનું સૌથી ઉત્કૃષ્ટ ઉદાહરણ પ્રિન્સ ફિલિપ છે. આવું નાક ચોથા ભાગના પુરુષોને હોવાનું મુખ પરના તમામ અભ્યાસોના આધારે જાણવા મળ્યું છે.

‘જર્નલ ઓફ કાર્નિયો ફેસિયલ સર્જરી’માં પોતાના લેખમાં પ્રો. તમિરે જણાવ્યું હતું કે આ પ્રકારનું નાક ધરાવનારા ઉદાર, સંવેદનશીલ અને મદદ માટે તત્પર વ્યક્તિત્વ ધરાવતા હોય છે. પરંતુ આ સારા સમાચાર નથી. પ્રોફેસરના અભિપ્રાયે જાડા અને અણિયારા નાકવાળા બંને ઓછા આકર્ષિત હોય છે. હોલિવૂડ અભિનેતા ટોમ ક્રૂઝ જેવું રોમન નાક નવ ટકા લોકોનું હોય છે કે જેઓ મહત્વાકાંક્ષી અને સ્પષ્ટ વિચારવાળા હોય છે.

હેરી પોટરના સ્ટાર ડેનિયલ રેડિકલફ જેવા આ નવ ટકા અણિયારા નાકવાળા અને ધંધાદારી માનસિકતા ધરાવાનારાઓમાંનો એક છે. ૧૩ ટકા લોકો સુંદર નાક ધરાવતા હોય છે કે જેમાં અભિનેત્રી કેરી મલીગન પણ છે. અત્યંત આકર્ષક નાક પાંચ ટકા લોકોમાં જોવા મળતું હોવાનું પ્રોફેસરનું માનવું છે. જોકે આ નાક બહુ શુભ નથી હોતું

સફરજનની સુંગધ માત્રથી માઈગ્રેનના દુખાવામાં રાહત મળે છે !!

 

સફરજન આપણાં સ્વાસ્થ્યને સુંદર રાખે છે. પણ હાલમાં જ થયેલા એક રિસર્ચમાં જાણવા મળ્યું હતું કે સફરજનની ખુશ્બૂથી માઈગ્રેન જેવી બીમારી દુર થઈ શકે છે.


આ માટે સ્મેલ એન્ડ ટેસ્ટ ટ્રીટમેન્ટ અને શિકાગો રિસર્ચ ફાઉન્ડેશન દ્વારા 50 લોકો પર એક સંશોધન કરવામાં આવ્યું હતું આ સંશોધનમાં જાણવાં મળ્યું છે કે સફરજનની સુંગધ લેવા માત્રથી માઈગ્રેનનાં દુખાવાથી છુટકારો મળે છે.


ઓક્સફોર્ડની સમરવિલ કોલેજના સાયન્સ એન્ડ હ્યુમનના પ્રોફેસર ચાલ્સ સ્પેન્સના જણાવ્યાં પ્રમાણે માઈગ્રેન જેવી સમસ્યા આજે મોટાભાગનાં લોકોમાં જોવા મળે છે તેવામાં સફરજનની સુંગધ માત્રથી જો આ બીમારીથી છુટારો મળતો હોય તો લોકોને ઘણો ફાયદો થઈ શકે છે.

 

સાવધાન! વધુ ઈંડા ખાશો તો કેન્સરનો ભોગ બનશો

'સન્ડે હો યા મન્ડે, રોઝ ખાઓ અંડે', જો તમે એક જાહેરાતની આ લાઇન પર અમલ કરતા હોવ તો સાવધાન થઇ જાવ. નવા સંશોધન અનુસાર વધારે ઈંડા ખાવાથી નુકસાન થાય છે. આનાથી કેન્સર થવાનો ભય રહે છે.
 
બોસ્ટનની હાવર્ડ સ્કૂલ ઓફ મેડિસિનના વૈજ્ઞાનિકોના સંશોધન પરથી માલુમ ડ્યું છે કે અઠવાડિયામાં ત્રણથી વધુ ઈંડા ખાવાથી પ્રોસ્ટેટ કેન્સર થવાનું જોખમ વધી જાય છે. વૈજ્ઞાનિકોએ આનું કારણ ઈંડામાં રહેલું કોલેસ્ટ્રોલ અથવા કોલાઇન હોવાનું જણાવ્યું છે.
આ પહેલા બ્રિટનના વૈજ્ઞાનિકોએ દાવો કર્યો હતો કે અઠવાડિયામાં ત્રણથી વધુ ઈંડા ખાવાથી હાર્ટ અટેક અને સ્ટ્રોકનું જોખમ વધી જાય છે. પણ 2007માં આ ચેતવણીને પરત લઇ લેવામાં આવી હતી કારણ કે સંશોધન પરથી માલુમ પડ્યું કે ઈંડામાં રહેલા કોલેસ્ટ્રોલની બહુ ઓથી માત્રા લોહીમાં પહોંચી શકે છે. જોકે ઈંડા અને પ્રોસ્ટેટ કેન્સર વચ્ચેના સંબંધને લઇને હજુ પણ સંશોધન થવાનું બાકી છે, પણ યુવાઓએ સાવધાની રાખવાની જરૂર છે.

હળદર કેન્સર મટાડવાનો કુદરતી અકસીર ઇલાજ

હળદરમાં કેન્સરનો જીવલેણ રોગ મટાડવાના કુદરતી ગુણો રહેલા છે, તેથી આહારમાં લીલી તેમજ સૂકી હળદરનો ભરપૂર ઉપયોગ કરવો જોઈએ તેવું યુસીએલએ જેન્સન કોમ્પ્રીહેન્સીવ કેન્સર સેન્ટરના સંશોધકોએ કરેલા અભ્યાસ પરથી જાણવા મળે છે. આમ જોવા જઈએ તો વર્ષોથી આપણા પૂર્વજો હળદરનો રોગ પ્રતિકારક તેજાના તરીકે ઉપયોગ કરતા આવ્યાં છે. હવે સંશોધન દ્વારા પણ પુરવાર થયું છે કે, તેનાંથી કેન્સર જેવા જીવલેણ રોગો પણ મટે છે. હળદર ડાયાબિટીસ જેવા અસાધ્ય રોગ સામે રક્ષણ આપતી હોવાનું પણ ઘણા લાંબા સમયના પ્રયોગો પરથી પુરવાર થયું છે.

• મગજ અને ગળાનાં કેન્સર સામે રક્ષણ આપે છે

હળદરમાં રહેલું કરક્યુમિન નામનું તત્ત્વ માનવીની લાળ અને થૂંક વડે શરીરમાં ફેલાતાં કેન્સરના કોષોનો નાશ કરે છે અને મગજ તેમજ ગળાના કેન્સર સામે રક્ષણ આપે છે.
શરીરમાં સોજા આવે અથવા તો એસીડીટી થાય તો તેવા કિસ્સામાં પણ હળદર રાહત આપે છે તેમ જેન્સન કેન્સર સેન્ટરના ડો. મેરિલીન વાંગ જણાવે છે. વાંગ કહે છે કે, હળદરમાં રહેલું કરક્યુમિન નામનું તત્ત્વ દર્દીના મોઢામાં અને લાળમાં કેન્સરના કોષોને વધતા અટકાવે છે જેને કારણે દર્દીને મગજ અને ગળાના કેન્સર સામે રક્ષણ મળે છે.
હળદરમાં રહેલું કરક્યુમિન કોઈપણ વ્યક્તિની લાળમાં રહેલા સાયટોકિન્સ સામે પણ રક્ષણ આપે છે, તેથી શરીરમાં સોજા આવતા અટકે છે અને બળતરાને અટકાવે છે.

શારીરિક શ્રમ અથવા કસરત કરવાની જરૂર શી?

ઘણા લોકોને મનમાં એવો પ્રષ્ન થાય છે કે ' આ કસરત કરવાનું શું કામ છે? ખાઓ, પીઓ અને મજા કરો! દુર્ભાગ્યે આવા લોકો જ લાંબા ગાળે બેઠાડુ જીવન અને શ્રમવિહીનતાને કારણે મેદસ્વીપણું, હાઇબ્લડપ્રેશર, ડાયાબીટીસ અને હ્રદયરોગનો ભોગ બનતા હોય છે. પહેલાંના જમાનામાં જ્યારે ગામડામાં લોકો સાદું, શ્રમયુક્ત જીવન જીવતા હતા ત્યારની અને અત્યારની શહેરી રહેણીકરણીમાં ઘણો મોટો તફાવત છે એ બઘાએ સમજી લેવું જોઇએ. ગામડામાં રોજેરોજનાં કામકાજ - ખેતર ખેડવું, ખાડા ખોદવા, ઢોર ચારવાં, કૂવે પાણી સિંચવું, ત્યાંથી બેડાં ભરીને ઘરે લઇ જવાં, ઘંટી ચલાવવી, કપડાં - વાસણ ધોવાં વગેરેમાંથી પૂરતો શ્રમ અને કસરત લોકોને મળી જતાં, જ્યારે આજે મોટાભાગના શહેરી 'વ્હાઇટ કોલર જોબ કરતા લોકોને એક બે મિનિટનું અંતર ચાલવા સિવાય ભાગ્યે જ કોઇ શારીરિક કસરત દિવસના રૂટીન કામમાંથી મળે છે. બેઠાડુ જીવનમાં શ્રમના આ અભાવને દૂર કરવા માટે કસરત ખૂબ જરૂરી છે.

જગતની ૬૫% વસ્તી જરૂર કરતાં ઓછી શારીરિક સક્રિયતા દાખવે છે અને બેઠાડું જિંદગી જીવે છે જેને કારણે દર વર્ષે ૨૦ લાખ લોકોનાં અકાળ મૃત્યુ થાય છે. માત્ર શરીરને પૂરતી કસરત આપવાની આળસ અથવા બિનઅનુકૂળતા આટલાં બધા લોકોના મોતનું કારણ બને છે! બેઠાડુ જીવનશૈલી એ વિશ્વમાં સ્વાસ્થ્ય માટે જોખમી અને મૃત્યુ તથા અપંગતા (નિર્યોગ્યતાી માટે જવાબદાર પ્રથમ દશ પરિબળમાં સ્થાન પામે છે.

કસરતના શારીરિક ફાયદાઓ
આખા શરીરની કામ કરવાની ક્ષમતામાં વધારો થાય છે.
નિયમિત કસરત કરવાથી અકાળ મૃત્યુની શકયતામાં નોંધપાત્ર ઘટાડો થાય છે.

હ્રદયની લોહી પંપીંગની ક્ષમતામાં વધારો થાય છે અને હ્રદયને લોહી પહોંચાડતી નવી નવી ધમનીઓ વિકસે છે જેથી એક ધમનીના અવરોધ સમયે કુદરતી રીતે જ બીજી ધમની બાયપાસ તરીકે કામ આપે.

કસરત શરીરમાં ચરબી ઉપર અસર કરે છે કે જેથી ધમનીઓ સાંકડી થતી (એથેરોસ્કલેરોસિસ થતોી અટકી જાય કે ઘીમી પડી જાય છે, પરિણામે હ્રદયરોગ થવાની અને હાર્ટએટેકથી મૃત્યુ થવાની શકયતા ઘટે છે. કસરતનો ફાયદો જયાં સુધી કસરત ચાલુ હોય ત્યાં સુધી જ મળે છે.
કસરતને કારણે ઓછા ઇન્સ્યુલિને લોહીનાં ગ્લુકોઝ પર નિયંત્રણ આવી શકે છે અને ડાયાબીટીસ થવાની શકયતા ઘટે છે.
કસરતને કારણે સ્નાયુઓ ઉપરાંત હાડકાં અને સાંધાની મજબૂતી પણ વધે છે.

નિયમિત કસરત કમરનાં દુખાવાને થતા જ અટકાવે છે અને દુખતી કમરને રાહત આપે છે.

નિયમિત કસરત કરનાર વ્યક્તિનું સરેરાશ વજન તંદુરસ્ત વજનની મર્યાદામાં જળવાઇ રહે છે.

હાઇબ્લડપ્રેશર થતુ જ અટકાવવામાં અને વધી ગયેલ બ્લડપ્રેશરને કાબૂમાં રાખવામાં સહાય મળે છે.

નિયમિત કસરત કરનારાઓને આંતરડાનું કેન્સર (અને કદાચ, સ્તન-કેન્સર પણી થવાની શકયતા ખૂબ ઘટી જાય છે.

વૃદ્ધ વ્યક્તિના શરીરનું સંતુલન જાળવવામાં અને હરફર ચાલુ રાખવામાં કસરત ખૂબ ઉપયોગી થાય છે.

જો તરૂણાવસ્થાથી કસરત કરવાની ટેવ પાડવામાં આવે તો, તમાકુ જેવી કુટેવ થવાની શકયતા ઓછી હોય છે.

શારીરિક સક્રિય બાળકો શાળાની પરિક્ષામાં વધુ સારો દેખાવ કરી શકે છે.

નાનપણથી શારીરિક શ્રમ મળે એવી જુથ રમતોમાં રમવાથી બાળકમાં સામાજિક ગુણો નો સારો વિકાસ થાય છે.

નાનપણથી શારીરિક શ્રમ મળે એવી કસરત કરવાથી કે રમત રમવાથી કસરતની એક કાયમી ટેવ પડે છે જે મોટી ઊંમરે ખૂબ ઉપયોગી થાય છે.

 

કસરતના માનસિક ફાયદાઓ

નિયમિત કસરતને કારણે ઘણા લોકો ચિંતા અને હતાશા (ડિપ્રેશની માંથી મુક્ત થઇ શકે છે.
કસરતથી આત્મવિશ્વાસ વધતો જાય છે.
મનની શાંતિ અને પ્રફુલિતતા જળવાઇ રહે છે અને માનસિક સ્વાસ્થ્ય સુધરે છે.

કસરત ન કરવાના ગેરફાયદાઓ

ભારતમાં પાંચ શહેરમાં થયેલ તાજેતરના અભ્યાસો જણાવે છે કે ભારતીય શહેરી સ્ત્રીઓ પૈકી સીત્તેર ટકાથી વધુ સ્ત્રીઓ કયારેય કસરત કરતી નથી! અને જે સ્ત્રીઓમાં હાઇબ્લડપ્રેશર જેવી બિમારી છે એમાંથી તો ૮૮ ટકા સ્ત્રીઓ કસરત નહોતી કરતી, ફુરસદના સમયે, અઠવાડિયે કુલ એકવીસ કિ.મી. કરતા વધુ ચાલવાની કસરત જે લોકો કરે છે તેમની જિંદગી કસરત વાળી ગણાય છે અને એથી ઓછી કસરત કરનાર વ્યક્તિનું જીવન બિનકસરતી ગણાય છે. ચાલવાને બદલે એટલી જ શક્તિ વપરાતી હોય એવી બીજી કોઇ પણ કસરત પણ આ માટે ગણતરીમાં લેવામાં આવે છે.
બેઠાડું, બિનકસરતી જીવનપદ્વતિને કારણે સમાજમાં અનેક રોગોનું ભારણ વધે છે. હ્રદયરોગ, હાઇબ્લડપે્રશર , જાડાપણું, ડાયાબીટીસ, ઓસ્ટીયોપોરોસીસ (હાડકા નબળા પડવાંી ત્થા માનસિક રોગો થવાની શકયતા બેઠાડુ જિંદગીને કારણે ખૂબ વધી જાય છે. અમેરિકાનો અભ્યાસ જણાવે છે કે બેઠાડુ લોકોમાંથી ૩૫ ટકા લોકોને એટેક આવવાની શકયતા માત્ર વધુ સક્રીય (વધુ કસરતીી થવાથી અટકી શકે છે. બેઠાડુ જિંદગી જીવનારાઓને (શારીરિક સક્રીય વ્યક્તિ કરતાંી હ્રદય રોગ થવાની શકયતા ૧.૯ ગણી હોય છે. આ જ રીતે બેઠાડુ, બિનકસરતી વ્યક્તિમાં હાઇબ્લડપ્રેશર થવાની શકયતા ૩૫ થી ૫૨ ટકા જેટલી વધી જાય છે. બેઠાડુ જિંદગી અને ડાયાબીટીસ વચ્ચેનો સંબંધ શોધનારા વૈજ્ઞાનિકોને જણાયું કે અઠવાડિયે ૫૦૦ કેલરી જેટલી કસરત ઘટવાથી ડાયાબીટીસની શકયતા ૬ ટકા જેટલી વધે છે. વળી, ડાયાબીટીસના દર્દીઓ પૈકી બેઠાડુ જિંદગી જીવનારા દર્દીઓમાં (એક સરખો ડાયાબીટીસ હોવા છતાંી મૃત્યુ થવાની શકયતા કસરત કરનાર વ્યક્તિ કરતાં વધારે રહે છે.
બેઠાડુ જીવન શરીરમાં શક્તિનો (કેલરીનોી વ્યય ઘટાડી નાંખે છે, ચરબીનો ભરાવો થવા દે છે, બેઝલ મેટાબોલીક રેટ ઘટાડી નાંખે છે, ઇન્સ્યુલીનની અસરકારતા ઓછી કરે છે જે છેવટે ડાયાબીટીસથી માંડી ને હ્રદયરોગ સુધીની અનેક બિમારીઓ નોતરે છે. વળી, બેઠાડુ જિંદગીને લીધે હાડકાં પણ નબળાં પડે છે. કસરતી માણસના હાડકાં, બેઠાડુ માણસ કરતાં વધુ મજબૂત હોય છે. સ્ત્રીઓમાં માસિક રજોનિવૃતિ પછી હાડકાં નબળાં હોય છે. હાડકાં નબળાં પડવાની આ પ્રક્રિયા બેઠાડુ સ્ત્રીઓમાં ખૂબ ઝડપી થાય છે. વળી, બેઠાડું સ્ત્રીઓમાં નબળાં હાડકાંને કારણે થાપાનું ફેકચર થવાની શકયતા ખૂબ વધારે રહે છે.
તાજેતરમાં થયેલા અનેક અભ્યાસો જણાવે છે કે બેઠાડુ જિંદગીને માનસિક હતાશા (ડીપે્રશની સાથે સીધો સંબંધ છે. આજકાલ જે હદે માનસિક હતાશા અને અન્ય તકલીફો વધી રહી છે એ જોતાં, આ અભ્યાસ ઘણું અગત્યનું માર્ગદર્શન આપે છે. આખો દિવસ બેઠાં બેઠાં દુનિયા ભરના વિચારો અને ચિંતા કર્યા કરતો માણસ બિલકુલ શારીરિક શ્ર્રમ છોડી ત્યારે માનસિક સંતુલન ગુમાવી દે એવી શકયતાઓ ઘણી વધારે રહે છે. કસરત કરવાથી વ્યક્તિને માનસિક સુખશાંતિનો અનુભવ થાય છે અને આત્મવિશ્વાસ વધે છે.
બેઠાડુ જિંદગીને આંતરડાના કેન્સર સાથે પણ સીધો સંબંધ છે એવુ કેટલાંક અભ્યાસોમાં જાણવા મળ્યુ છે. આમ, અનેક જાતની બિમારીઓ સહન કરવાની અને એને કારણે મૃત્યુ થવાની શકયતા બેઠાડું લોકોમાં ખૂબ વધારે હોય છે. અમેરિકા જેવા સમૃદ્વ દેશમાં દર વર્ષે આશરે અઢી લાખ જેટલાં મૃત્યુનું કારણ બેઠાડુ જિંદગી હોય છે. બીજા શબ્દોમાં અમેરિકામાં થતાં કુલ મૃત્યુ પામતા લોકોના ૧૨ ટકા જેટલાં લોકો કસરત ન કરવાને લીધે કમોતે મરે છે.
૧૯૮૯માં જર્નલ ઓફ અમેરીકન મેડીકલ એસોસીએશનમાં એક અભ્યાસ પ્રસિદ્વ થયો હતો, જેમાં એવું તારણ નીકળ્યુ હતુ કે એક સરખી ઉંમર માટે બેઠાડુ જીવન જીવનાર વ્યક્તિની સરખામણીએ કસરતી શરીર ધરાવનાર અને કસરત કરનાર વ્યક્તિઓમાં મૃત્યુના દરનું પ્રમાણ ત્રીજા ભાગનું હતુ. જે વ્યક્તિ અઠવાડિયે ૨૦૦૦ હજાર કેલરી કસરત કરવામાં વાપરે છે, એનુ આયુષ્ય બેઠાડુ જીવન જીવતાં લોકો કરતાં એક થી બે વર્ષ જેટલું વધી જાય છે. વર્ષો પહેલાં મોટા પહેલવાન હોય પરંતુ છેલ્લા થોડા વર્ષોથી કસરત બંધ હોય તો જુની કસરતનો હ્રદયરોગ અટકાવવામાં કોઇ ફાયદો થતો નથી. કસરત બંધ કર્યા પછીના થોડાંક જ અઠવાડિયામાં બેઠાડુ જીવનના બધા જ ગેરફાયદા દેખાવા લાગે છે.
છેક, અઢારમી સદીના ડો.વીલીયમનું વિધાને ''માણસની જિંદગી ટૂંકી અને દુ:ખ દાયક કરનાર બધા કારણોમાં સૌથી મોટુ કારણ બેઠાડું -બિનકસરતી જીવન છે. આજે પણ એકદમ સચોટ છે. આપણાં દુર્ભાગ્યે દિનપ્રતિદિન નાના બાળકથી માંડીને વૃદ્વ વ્યક્તિ સુધી દરેકની જિંદગી વધુને વધુ બેઠાડુ -બિનકસરતી થતી જાય છે. આ રોગીષ્ટ બેઠાડું જીવન ફગાવી દઇને આજે જ શારીરિક સક્રિયતાનો સંકલ્પ કરીને નીચે દર્શાવેલ સૂચનોનો અમલ કરીને કોઇને કોઇ શારીરિક પ્રવૃત્તિ શરૂ કરી દો.
 
શરીરને સ્વસ્થ રાખવા માટે ત્રણ પ્રકારની શારીરિક પ્રવૃત્તિ અથવા કસરત જરૂરી છે.
 (૧) હ્રદય અને ફેફસાને મજબૂત બનાવતી પ્રવૃત્તિઓ:-
આ પ્રવૃત્તિઓ કરતી વખતે શરીરના કોષોને વધારે ઓક્સિજનની જરૂર પડે છે. જે પૂરો પાડવા માટે હ્રદય-ફેફસા અને રૂધિરાભિસણતંત્રએ ઝડપથી કામ કરવું પડે છે. ઓક્સિજનની વધારાની જરૂરિયાત સંતોષવા માટે ઝડપથી કામ કરવાની તાલીમ હ્રદય-ફેફસાના સ્વાસ્થ્ય માટે ખૂબ ઉપયોગી સાબિત થાય છે. નીચે જણાવેલ પ્રવૃત્તિઓ હ્રદય અને ફેફસાને મજબૂત બનાવી શકે છે.
- ચાલવું
- બાગકામ કરવું
- સાઇકલ ચલાવવી
- સ્કેટિંગ કરવું
- નાચવું/ગરબા કરવા
- ટેનિસ, ક્રિકેટ, ખો-ખો જેવી રમતો રમવી
- વ્હીલચેરને હાથથી ચલાવવી
સલામત રીતે આ બધી પ્રવૃત્તિ કરવા માટે,
-શરૂઆતમા ધીમે ધીમે, ઓછા સમય સુધી કસરત કરવી
-કસરતની શરૂઆતમાં વોર્મઅપ અને અંતમાં કૂલ ડાઉન માટે પાંચ-પાંચ મિનિટનો સમય રાખવો.
-સારા પગરખા પહેરો, જે વાગતા ન હોય અને પગને બરાબર આધાર આપતાં હોય.
-ઋતુ પ્રમાણે શરીરને અનુકૂળ હોય એવાં કપડાં પહેરો.
-સાઇકલીંગ કે સ્કેટિંગ કરતી વખતે હેલ્મેટ પહેરો. પડવાની શક્યતાવાળી પ્રવૃત્તિ કરતી વખતે ઘૂંટણ, કોણી અને કાંડાને ઇજાથી બચાવે એવા પટ્ટા પહેરી રાખો.
 
(૨) સ્નાયુઓને ખેંચાણ આપી લચીલાપણું વધારતી કસરત:
આ પ્રકારની પ્રવૃત્તિઓથી સ્નાયુઓનું હલન-ચલન સહેલાઇથી થાય છે. સ્નાયુઓ શિથિલ અને સાંધાઓ ગતિશીલ રહે એ પ્રકારની કસરતો લચીલાપણું વધારવામાં ઉપયોગી થાય છે. મોટી ઉંમરે પણ જીવનની ગુણવત્તા અને સ્વાતં#ય જાળવી રાખવા માટે આ પ્ર્રકારની પ્રવૃત્તિઓ ઉપયોગી છે. નીચે જણાવેલ પ્રવૃત્તિઓ શરીરનું લચીલાપણું વધારી શકે છે.
- યોગાસન
- નૃત્ય
- બાગકામ
- પોતુ કરવું
- સ્નાયુઓને ખેંચાણ આપતી કસરતો કરવી
- કરાટે- કૂંગ ફૂ
- સૂર્ય નમસ્કાર
સલામત રીતે સ્નાયુઓને ખેંચાણ આપવાની પ્રવૃત્તિ માટે ,
-પહેલાં ચાલવાની કે હ્રદય-ફેફસાને કસરત આપવાની પ્રવૃત્તિ કર્યા બાદ જ સ્નાયુને ખેંચાણ આપવાની પ્રવૃત્તિ કરવી જોઇએ.
-દરેક પ્રવૃત્તિ ધીમે ધીમે અને ઝાટકા માર્યા વગર કરો.
-આ પ્રકારની પ્રવૃત્તિ કરતી વખતે શ્વાસને રોકી ન રાખો. દરેક પ્રકારનું ખેંચાણ સાહજિક, દર્દહીન અને આરામદાયક લાગવું જોઇએ.
-વિવિધ આસનોની તાલિમ યોગ્ય યોગ-શિક્ષક પાસેથી મેળવી લો.
 
(૩) સ્નાયુ અને હાડકાને મજબૂત બનાવતી પ્રવૃત્તિઓ:
જ્યારે સ્નાયુ અને હાડકાઓને કોઇ પણ પ્રકારના ખેંચાણ કે અવરોધની વિરુદ્ધ દિશામાં કામ કરવવામાં આવે ત્યારે એની મજબૂતી વધે છે. મોટી ઉંમરે હાડકા નબળા પડવાની તકલીફ થતી અટકાવવા માટે આવી પ્રવૃત્તિ જરૂરી છે. નીચે જણાવેલ પ્રવૃત્તિઓ સ્નાયુ અને હાડકાની મજબૂતી વધારી શકે છે.
- વજન ઉંચકીને હર-ફર કરવી
- દાદર ચઢવા
- દોરડા કૂદવા
- દંડ-બેઠક કરવી
- વેઇટ લીફટીંગ
સલામત રીતે આ પ્રવૃત્તિ કરવા માટે,
-શરૂઆતમાં હ્રદય-ફેફસાની કસરત; પછી સ્નાયુઓના ખેંચાણની કસરત અને છેલ્લે સ્નાયુ મજબૂત બનાવવાની કસરત કરવી જોઇએ.
- કમ્મર, પીઠ અને અન્ય સાંધાઓને વજનથી સ્થય અન્ય કારણોસર ઇજા ન થાય એની કાળજી રાખવી
- રોજ રોજ કરવાને બદલે એકાતંરે આવી પ્રવૃત્તિ કરવી
- જાણકાર નિષ્ણાતના માર્ગદશન હેઠળકસરત કરવી.
 
કઇ પ્રવૃત્તિ કેટલો સમય કરવી જોઇએ?
જો બેઠાડુ જીવન જીવતા માણસની આખા દિવસમાં વપરાતી શક્તિના દસ ટકા જેટલી શક્તિ કસરત પાછળ વપરાય તો કસરતનું ધ્યેય સિદ્ધ થાય. એક તંદુરસ્ત બેઠાડુ જીવન જીવતો સરેરાશ ભારતીય માણસ આખા દિવસમાં આશરે ૨૫૦૦ કિ.કેલરી જેટલી શક્તિ જુદાં જુદાં કામો (કે આરામી પાછળ વાપરે છે. એટલે કે સરેરાશ ભારતીયે અર્થપૂર્ણ કસરત કરવી હોય તો કસરત પાછળ આશરે ૨૫૦ કિ.કેલરી શક્તિ ખર્ચવી જોઇએ.
શરીરના ફાયદા માટે દરરોજ હળવી કસરત ઓછામાં ઓછી સાંઠ મિનિટ સુધી; અથવા મધ્યમ તીવ્રતાની કસરત ત્રીસ થી સાંઠ મિનિટ સુધી; અથવા ભારે તીવ્રતાની કસરત વીસ થી ત્રીસ મિનિટ સુધી કરવી જોઇએ.
દરેક બાળક અને પુખ્ત ઉંમરની વ્યક્તિએ રોજની ઓછામાં ઓછી ત્રીસ થી સાંઠ મિનિટ સુધી કસરત અથવા મધ્યમ પ્રકારનો શારીરિક શ્ર્રમ કરવો જરૂરી છે. કસરતની શરૂઆતમાં ૫-૧૦ મિનિટનો સમય વોર્મ-અપ માટે; ત્રીસ મિનિટ ખરેખરી કસરત માટે અને કસરત પૂરી થયા પછી ૫-૧૦ મિનિટનો સમય કુલ ડાઉન માટે આપવો જોઇએ. દરેક કસરત જુદા જુદા પ્રમાણમાં કેલરી વાપરે છે. એટલે જે કસરતમાં વધુ શક્તિ (કેલરીી ની જરૂર પડતી હોય એ ઓછા સમય માટે કરવામાં આવે તો પણ ચાલે. દા.ત. આશરે ૨૫૦ કિ.કેલરી વાપરવા માટે ચારેક કિ.મી. ચાલવું પડે કે તરવું પડે અથવા ૪૫ મિનિટ સુધી બેડમિંટન કે ટેનિસ રમવું પડે. દિવસના કોઇ નિશ્ચિત સમયે કસરત કરવી પડે એવું જરૂરી નથી પણ નિયમિતતા જળવાઇ રહે એ હેતુથી સવારનો કે સાંજનો અમુક સમય નક્કી રાખ્યો હોય તો સારું પડે. કસરતના બે-ત્રણ કલાક પહેલાં સુધી કંઇ ખાધું ના હોય તો વધુ સારું. જો રોજ શકય ન હોય તો અઠવાડિયાના જેટલા વધુ દિવસ શ્ર્રમ / કસરત કરવાનું શકય બને એટલું કરવું જોઇએ. કસરત માટે સમય ન મળતો હોય તો, તમારા રૂટીન કામ સાથે પણ કસરત/શ્ર્રમને જોડી શકાય છે જેથી વધારાનો સમય ન કાઢવો પડે. દા.ત. લીફટ વાપરવાને બદલે પગથિયાં ચઢી શકાય અને ઓછા અંતરમાં વાહનને બદલે ચાલતા જઇ શકાય. વળી, સળંગ ત્રીસ મિનિટ સુધી કસરત ન થઇ શકે એમ હોય તો સાવ કસરત ન કરવાને બદલે દિવસમાં ત્રણ ટૂકડામાં દસ દસ મિનિટ શ્ર્રમ કરવામાં આવે તો પણ ફાયદો થાય છે.
કઇ કસરતો?
વોર્મ-અપ કસરતો : કોઇ પણ કસરત શરૂ કરતાં પહેલાં શરીરના જુદા જુદા સાંધાઓને બધી દિશામાં હલન-ચલન મળે એ પ્રકારે વોર્મ-અપ કસરત કરવી જોઇએ.
ગરદનની કસરતો:
આગળ - પાછળ હલાવવી
આજુ - બાજુ હલાવવી
આજુ - બાજુ વાંકી વાળવી

ગોળ ગોળ ફેરવવી

ખભાની કસરતો:

ઊંચા - નીચા કરવા

હાથને નીચે લટકતા રાખીને ખભાને ગોળ ફેરવવા (ઘડિયાળની દિશામાં અને એની વિરુદ્ધની દિશામાંી
કાંડાંની કસરત :

ઊંચાં - નીચાં કરવાં

ગોળ ગોળ ફેરવવાં (એક હાથથી બીજા હાથનું કાંડું પકડી રાખવુંી
ઘૂંટીની કસરત :

ઊંચી - નીચી કરવી અને ગોળ ફેરવવી

એરોબિકસ કસરત: જો કોઇપણ કસરતને નિયમિત લાંબાગાળા માટે ચાલુ રાખવી હોય તો કસરત કરવામાં મજા આવવી જોઇએ. ઊંધું ઘાલીને દંડ-બેઠક પીલતા કસરતબાજો થોડા સમય પછી કંટાળીને કસરત છોડી દે છે જ્યારે રોજેરોજ બાગમાં કે પૂલ પર ચાલવા-દોડવા જનારા અથવા નિયમિત બેડમિંટન કે ટેનિસ રમવાવાળાઓ લાંબા સમય સુધી કસરત ચાલુ રાખી શકે છે. કસરત વડે આખા શરીરને સૌથી વધુ લાભ પહોચાડવા માટે શરીરને ગુરુત્વાકર્ષણ વિરુદ્ધ કે જમીનને સમાંતર ગતિ કરાવતી કસરતો ઘણી ઉપયોગી થાય છે. આવી કસરતોને ઘણીવાર 'એરોબિકસ પ્રકારની કસરત કહેવાય છે. કેમકે મધ્યમ તીવ્રતાથી આ કસરત કરવામાં આવે તો સ્નાયુને જરૂરી ઓકિસજન કસરત દરમ્યાન જ પૂરતા પ્રમાણમાં મળ્યા કરે છે. પરિણામે કસરત પછી સ્નાયુ દુ:ખવાનું કે ખૂબ થાક લાગવાનું ખાસ બનતું નથી. આ પ્રકારની કસરતોમાં ચાલવું, દોડવું, સાઇકલ ચલાવવી, તરવું, સ્કેટિંગ કરવું, ફૂટબોલ, હોકી, ટેનિસ, બેડમિંટન જેવી રમતો રમવી, હલેસાં મારવાં વગેરેનો સમાવેશ થાય છે. આમાંથી કોઇપણ કસરત પૂરતા પ્રમાણમાં (એક વખતે ૨૫૦ કિ.કેલરી વપરાય તેટલીી કરવામાં આવે તો સ્વાસ્થ્યને લાભદાયક બની શકે છે. વળી રોજ એક જ પ્રકારની કસરત કરવી જરૂરી નથી. એક દિવસે દોડો અને બીજે દિવસે તરો તો પણ સ્વાસ્થ્ય માટે સરખો જ ફાયદો થશે.
ચાલવું, બાગકામ કરવું, સાઇકલ ચલાવવી કે તરવું આ બધી કસરતો / શ્ર્રમ ઉપયોગી છે. પરંતુ એને નિયમિતપણે કરવા ખૂબ જરૂરી છે. વળી જો ત્રીસ મિનિટ સુધી શ્ર્રમ ન થઇ શકે તો પણ કશું ન કરવા કરતાં જેટલી કસરત (પાંચ -દસ -પંદર મિનિટી થઇ શકે એટલી કરવાથી પણ ફાયદો જ થાય છે.
 
શારીરિક સક્રિયતા વધારવાની પ્રવૃત્તિઓ અને કસરતની શરૂઆત કઇ રીતે કરશો?

તમારા આખા દિવસની પ્રવૃત્તિઓમાંથી શારીરિક સક્રિયતા માટે સમય ફાળવવાનું આયોજન (નાના પાયે મનોમની કરો.
શારીરિક સક્રિયતાના ફાયદાઓ અને બેઠાડું જીવનનાં ગેરફાયદાઓ અંગે જાણકારી મેળવી લો.
વધુ વિચારો કરવાને બદલે તેમજ દિવસે જયારે ફુરસદ મળે ત્યારે બેસી રહેવાને બદલે ચાલવાનું કે અન્ય શારીરિક પ્રવૃત્તિ કરવાનું શરૂ કરી દો.
શારીરિક પ્રવૃત્તિ ધીમે ધીમે શરૂ કરો અને પછી એનો સમય અને તીવ્રતા વધારતાં જાઓ.
ઘરમાં, ઓફીસમાં, શાળામાં તેમજ રમત-ગમતમાં શારીરિક સક્રિયતા વધારવા માટે ગંભીરતાપૂર્વક વિચારો.
દરેક નાની નાની શારીરિક પ્રવૃત્તિ તમારી કુલ દૈનિક શારીરિક પ્રવૃત્તિ વધારીને તમારા સ્વાસ્થ્યને ફાયદો કરી શકે એટલે નાનામાં નાની શારીરિક સક્રિયતાની તકને ગણતરીમાં લઇ કદી આળસમાં એ તક ગૂમાવશો નહીં.
શારીરિક સક્રિયતા માટેની પ્રવૃત્તિ શરૂ કરવા માટે તમે કદી ખૂબ નાના કે ખૂબ મોટા નથી હોતા.
શારીરિક પ્રવૃત્તિ કરવા માટે ખૂબ ખર્ચો કરીને કોઇ કલબમાં જવુ જરૂરી નથી. સાદામાં સાદી ચાલવાની પ્રવૃત્તિ કોઇ જાતના ખર્ચ વગર (અને કયારેક તો પેટ્રોલ, રિક્ષા કે બસનો ખર્ચ બચાવીનેી થઇ શકે છે.
અનેક જાતની શારીરિક પ્રવૃત્તિમાંથી તમે તમારી મનપસંદ પ્રવૃત્તિથી શરૂઆત કરી શકો. જેમાંથી આનંદ મળતો હોય એવી પ્રવૃત્તિ જ કરો.
શારીરિક પ્રવૃત્તિઓ તમે એકલાં, કુટુંબના બધા સભ્યો સાથે અથવા મિત્રો સાથે મળીને કરી શકો.
શારીરિક પ્રવૃત્તિ કરતાં જુથ, વર્ગ કે અન્ય સમુહમાં પણ તમે જોડાઇને એનો આનંદ મેળવી શકો.
નિયમિત કસરત કરનાર મિત્રની સાથે જોડાઇ જાવ.
 

ઘરે થઈ શકે એવી શારીરિક પ્રવૃત્તિઓ

શરૂઆતમાં રોજના ઉઠવાના સમય કરતાં માત્ર દશ મિનિટ વહેલાં ઉઠો અને એ દશ મિનિટ રોજ ઘરની અંદર કે બહાર માત્ર ચાલવા માટે વાપરો.
નજીકનાં અંતરની ખરીદી માટે વાહન વાપરવાનું બંધ કરી દો. ચાલતાં કે સાઇકલ પર પાંચ-દશ મિનિટમાં પહોંચી શકાય એવી કોઇ ણ જગ્યાએ વાહન ન લઇ જવું.
બાળકો સાથે શરીરને સક્રિય રાખે એવી રમતો રમો. ઘરમાં પકડાપકડી થી માંડીને પતંગ ચગાવવા સુધીની કોઇ પણ રમત તમને અને બાળકોને આનંદ આપશે.
રોજ તમારી મન પસંદ ધૂન પર નૃત્ય કરો અથવા ગરબા કરો.
ટીવી અને વીડીયો ગેમ નો વપરાશ શકય એટલો ઓછો કરો.
લાંબા સમય સુધી ટીવી કે કોમ્પ્યુટર સામે બેસી રહેવાનું ટાળો. ટીવીમાં આવતા 'કોમ(ર્સયલ બ્રેકને 'ફીટનેસ બ્રેક બનાવી દો. કોઇપણ ટીવી કાર્યક્રમમાં વચ્ચે જાહેરાત આવે ત્યારે ઉઠીને ચકકર લગાવવાનું શરૂ કરી દો.
ટીવી જુઓ ત્યારે, કસરત કે આસનના કાર્યક્રમ જોતા જોતા સાથે તમે પણ કસરત કે આસન કરો. જો જગ્યાની અનુકૂળતા હોય તો આંટા મારતા મારતાં (ચાલતાં ચાલતાંી ટીવી જુઓ.
 

શાળામાં થઈ શકે એવી શારીરિક પ્રવૃત્તિ:

તમારી પોતાની અથવા આસપાસની શાળામાં સાંજે ચાલતી શારીરિક પ્રવૃત્તિના વર્ગ (દા.ત. સ્કેટિંગ, જીમ્નાસ્ટિક, તરણ, કરાટે વગેરેીમાં જોડાઇ જાવ.
રિસેશ દરમ્યાન બેસીને ટોળટપ્પા કરવાને બદલે પકડદાવ જેવી રમત રમી શકાય.
શાળામાં શારીરિક શિક્ષણના વર્ગમાં જવા માટે બાળકને અને એવા વર્ગો ગોઠવવા માટે શાળાના વહીવટી તંત્રને પ્રોત્સાહન આપો.
શાળામાં જવા-આવવા માટે બસ કે રિક્ષાને બદલે નજીકમાં રહેતાં વાલીઓ ચાર-પાંચનું એક જુથ બનાવે અને વારાફરતી બધા બાળકોને ચાલતાં લઇ જાય - લાવે.
શાળાના બધા જ શિક્ષકો પણ વિદ્યાર્થીઓની કસરત દરમ્યાન કસરતમાં ભાગ લે અને અન્ય વિષયોની સાથે શારીરિક સક્રિયતાનું મહત્વ વિદ્યાર્થીઓને સમજાવે.
 

કામ કરતાં કરતાં શારીરિક પ્રવૃત્તિઓ:

ઓફીસ કે ઘરની ખુરશીમાંથી દર કલાકે ઊભા થઈ થોડીક મિનિટો માટે સ્નાયુઓને ખેંચાણ આપો.
લાંબી મિટીંગ દરમ્યાન 'ટી બ્રેક નહીં પણ 'સ્ટ્રેચ બ્રેક લો.
લીફટને બદલે પગથિયાં કે ઢાળ વાપરો.
રિસેશ કે કોફી બ્રેકમાં ચા-કોફીનુ વ્યસન કરવાને બદલે ચાલવાનુ વ્યસન કરી દો. લંચ બ્રેકમાં પણ જમાતાં પહેલાં દસેક મિનિટ ચાલી લો.
બેઠા બેઠા પેટથી ઊંડા શ્વાસોશ્વાસ લેવાની ટેવ પાડો.
બેઠા બેઠા થઇ શકે એવી હાથ-પગ-કમર-ગરદનની કસરત એક-બે મિનિટની ફુરસદ મળે ત્યારે શરૂ કરી દો.
તમારાં ખભા અને ગરદનના સ્નાયુઓને રિલેક્ષ થવાની તક આપો. ખાસ તો લાંબા સમય સુધી ટાઇપીંગ કે કોમ્પ્યુટર પર કામ કરવાનું હોય ત્યારે ખભા અને ગરદનની કસરત ઝાટકાં વગર કરતાં રહો.
 

રસ્તામાં થઇ શકે અવી શારીરિક પ્રવૃત્તિ:

જયારે શકય હોય ત્યારે ચાલો - વાહનને બદલે ચાલતાં જવાનું પસંદ કરો. બસમાં જવાનુ હોય તો એક બે સ્ટોપ ચાલ્યા પછી બસ પકડો; પોતાનું વાહન જે સ્થળે જવુ હોય એ સ્થળથી દૂર પાર્ક કરો જેથી વધુ ચાલવાનું મળે.
લીફટને બદલે દાદર વાપરો.
સ્કૂટર કે મોપેડને બદલે સાઇકલ સવારી અપનાવો.
 

સલામત રીતે કસરત કરવા માટે પહેલાં નીચેના પ્રનોના જવાબ આપો:

કયારેય તમારા ડોકટરે તમને હ્રદયરોગની કે અન્ય કોઇ બીમારીને કા્રરણે કસરત ન કરવાી સલાહ આપી છે?
તમે કસરત કે શારીરિક શ્રમ કરો ત્યારે છાતીમાં દુખાવો થાય છે?
તમને છેલ્લા એક મહિના દરમ્યાન આરામના સમયે છાતીમાં દુખાવો થયો છે?
તમને કદી ખૂબ ચકકર આવ્યા હોય અથવા બેહોશ થઇને પડી ગયા હો એવું થયું છે?
તમને હાડકાં કે સાંધાની કોઇ બીમારી છે જે કસરત કરવાથી વધી જાય?
તમને હાઇબ્લડપ્રેશર કે હ્રદયરોગની કોઇ દવા ચાલે છે.
તમને કસરત કે શારીરિક પ્રવૃત્તિ ન કરવાનું કોઇ કારણ લાગે છે?

જો આ સવાલમાંથી કોઇ પણ સવાલનો જવાબ 'હા હોય તો તમારા ડોકટરની સલાહ મુજબ જ શારીરિક પવૃત્તિ કરવી.
કસરતની તીવ્રતા કેટલી હોવી જોઇએ?
ઘણા લોકો કસરત કરવા માટે 'મોર્નિંગ વોક માં જાય છે અને ત્યાં દોસ્તો સાથે ગપ્પાં મારતાં મારતાં એમની ઝડપ એટલી ઘટી જાય છે કે એને કસરત કહેવી કે નહીં એ એક સવાલ થાય છે. કસરતની તીવ્રતા રોજિંદા કામકાજની તીવ્રતાથી તો વધારે હોવી જ જોઇએ. સામાન્ય કામકાજમાં આપણે હ્રદયની મહત્તમ ક્ષમતાનો માત્ર ૪૦ ટકા જ ઉપયોગ કરીએ છીએ.

લાભદાયક કસરત કરવા માટે હ્રદયની મહત્તમ ક્ષમતાનો ઓછામાં ઓછો ૬૦ ટકા જેટલો ઉપયોગ થવો જોઇએ. બીજા શબ્દોમાં ૨૦ વર્ષના એક યુવાનના હ્રદયના ધબકારા રોજિંદા કામકાજ દરમ્યાન દર મિનિટે ૮૦ જેટલા હોય છે અને યુવાનના હ્રદયની મહત્તમ ક્ષમતા મિનિટના ૨૦૦ ધબકારાની હોય છે (હ્રદયનો મહત્તમ દર = ૨૨૦-ઉંમર વર્ષ

બસ, 15 મિનિટ.... તમારો ગમે તેવો થાક છુમંતર થઇ જશે

દુનિયાની કોઇ એવી ચિકિત્સા પદ્ધતિ નહી હોય કે જે વ્યક્તિના તણાવને છુટકારો આપવાના નામે ઘણી થેરાપીનું પ્રચલન કર્યુ હોય.

અહીંયા અમે કેટલાક કુદરતી અને એ સાથે વૈજ્ઞાનિક પ્રયોગ બતાવીએ છીએ કે જે માત્ર અમુક જ મિનિટોમાં દરેક પ્રકારના શારીરિક અને માનસિક તણાવથી છુટકારો આપે છે.

આ પ્રયોગની સાચી ઓળખ અને પ્રભાવને તપાસવા માટે લાંબી રાહ જોવાની જરાય જરૂર નથી. માત્ર 15 જ મિનિટોમાં તમે આ પ્રયોગના ચમત્કારી પ્રભાવથી પરિચિત થશો.

પ્રયોગ –

દિવસભરના તમામ કાર્યોથી નિવૃત્ત થઇ સુતા પહેલા આ પ્રયોગ કરવો જોઇએ. 1 ડોલમાં સામાન્ય ગરમ પાણી કે નવશેકું પાણી ભરી લો.

આ પાણીમાં લગભગ 4 ચમચી સાધારણ અને સસ્તુ મીઠું નાખીને સરસ રીતે હલાવો. આ મીઠાના નવશેકા પાણીમાં લગભગ 10 થી 15 મિનિટ સુધી તમારાં પગને બોળી રાખો,

આ દરમિયાન સતત ઊંડા શ્વાસ લો અને છોડો. આ પ્રયોગ દરમિયાન કોઇપણ પ્રકારના વિચારોને મનમાં ના આવવા દો.

વૈજ્ઞાનિક આધાર:

મીઠું સોડિયમ અને કલોરાઇડનું મિશ્રણ હોય છે.સોડિયમ ક્લોરાઇડના આ મિશ્રણની આ વિશેષતા છે કે આ દિવસભરના કામ-કાજ દરમિયાન શરીરમાં રહેલી નેગેટિવ એનર્જીને શોષીને વ્યક્તિને પુરી રીતે તણાવ મુક્ત કરી દે છે.

આ પ્રયોગના પત્યા બાદ તમે જોઇ શકશો કે તમારું બધો શારીરિક અને માનસિક તણાવ ઉતરી ગયો હશે અને તમે ફરી કામ કરવા માટે રિચાર્જ હશો.

આ પ્રયોગનો બીજો કીમતી લાભ એ છે કે તમને ઘેરી અને સરસ ઊંઘ આવશે.

સૌંદર્યમાં નિખાર લાવવા માટેનાં આ છે સૌથી અસરકારક નુસખા

સૌદર્ય નિખાર માટે આવતા વિવિધ બ્યુટી પ્રોડક્ટસ લાંબાગાળે ત્વચાને નુકસાન કરે છે.
- સૌંદર્યમાં પ્રાકૃતિક નિખાર અને નરમાશ જાળવવા માટે મુલતાની માટીનાં પ્રયોગથી સરળ અને અસરકારક કોઇ ઉપાય નથી.

જો તમે મોંઘા બ્યુટી પ્રોડક્ટસ, શેમ્પુ, તેલનો ઉપયોગ કરી થાકી ગયા હોય, છતાંય તમને તેનો જોઇએ તેવો ફાયદો ના થયો હોય તો એકવાર ચોક્કસ મુલતાની માટીનો ઉપયોગ કરીને જુઓ. આયુર્વેદમાં કહેવાય છે કે મુલતાની માટી એ સૌંદર્યનો ખજાનો તો છે જ, પણ તે સાથે નેચરલ કંડીશનરની સાથે તે બ્લીચ પણ છે.



 આવો, જાણીએ સૌંદર્યને નિખારવા માટેનો સૌથી સરળ અને આયુર્વેદિક નુસખાઓ.

- અડધી ચમચી સંતરાનો રસ લઇ તેમાં 4-5 ટીપાં લીંબુનો રસ, અડધી ચમચી મુલતાની માટી, અડધો ચમચી ચંદન અને થોડા ટીપાં ગુલાબ જળનાં - આ બધાને મેળવીને તેને થોડી વાર (5 મિનિટ) માટે ફ્રીજમાં રાખી દો. તેને મોં પર લગાડીને 15- 20 મિનિટ રાખો. તેના પછી પાણીથી મોં ધોઇ લો. તૈલી ત્વચા માટે આ સૌથી સારો ઉપાય છે.

-જો તમારી ત્વચા ડ્રાય હોય, તો કાજુને આખી રાત દુધમાં પલાળીને રાખો અને સવારે બારીક પીસેલી મુલતાની માટી અને મધનાં અમુક ટીપાં મેળવીને તેને સ્ક્રબ કરો.

- જો ખીલની સમસ્યા રહેતી હોય તો મુલતાની માટી એ સૌથી અસરકારક ઉપાય છે, કારણ કે મુલતાની માટી ચહેરાનાં તેલને ચુસી લે છે, જેનાથી ખીલ સુકાઇ જાય છે.

- તૈલીય ત્વચા માટે મુલતાની માટીમાં દહીં અને ફુદીનાનાં પાનનો પાવડર મેળવીને તેને અડધો કલાક રહેવા દો, પછી તેને સારી રીતે મિક્સ કરી ચહેરા અને ગરદન પર લગાડો. સુકાઇ જવા પર નવશેકા પાણીથી ધોઇ લો. તૈલી ત્વચાને ચીકાશ રહિત રાખવા માટે આ સૌથી અસરકારક નુસખા છે.

- મુલતાની માટીને એક વાટકી પાણીમાં પલાળી લો. બે કલાક બાદ જ્યારે મુલતાની માટી પુરી રીતે પલળી જાય. ત્યારે આ લેપને સુકા વાળમાં લગાડીને હળવા હાથથી વાળમાં ઘસો. પાંચ મિનિટ સુધી આમ કરો. જો ઠંડી હોય તો નવશેકા પાણીમાં અને ગરમીઓ હોય તો ઠંડા પાણીથી માથું ધોઇ લો.

ડૉક્ટર અને દવાને આપો તિલાંજલી, અપનાવો હવે 5 કિમિયા

છોકરાઓની ફી ટેલિફોન-વીજળી ખર્ચ,દુધવાળાનો હિસાબ... મહિનાના આ બધા ખર્ચા સાથે હવે એક નવા ખર્ચા જોડાતા જાય છે. સમસ્યા એ છે કે આ ખર્ચાઓ દિવસે ને દિવસે વધતાં જાય છે. કોઇ સુવિધા અને સાધનના બદલામાં કોઇ ખર્ચો કરીએ તો , પણ હજી ઠીક વાત છે.
પણ તકલીફ અને હેરાનગતિ સાથે નાણાં પણ ખર્ચવા પડે એ માટે અફસોસ અને દુખ ચોક્કસ થાય.

પ્રદુષિત હવા,પાણી અને ભોજન સાથે જીવન વિતાવવાની મજબુરીના પગલે આજે લગભગ જ કોઇ એવી વ્યક્તિ હશે જે દવા- દારૂ વગર કે ડોક્ટરી સલાહથી પુરી રીતે ફીટ હોય.

પરંતુ આવા કેટલાક ઉપાયો છે કે જે નિયમિત દિનચર્યામાં સમાવેશ કરી વ્યક્તિ પોતાની રોગ -પ્રતિકારક શક્તિને કંઇ એ રીતે વધારે છે કે એની પર કોઇ બીમારીની અસર ના થાય. આવો જાણીએ આ ઉપાય...

- ત્રિફળા જે આમળા,હરડે અને બહેડા નું સંયુક્ત રૂપ છે એને પ્રતિદિન સુતા સમયે નવશેકા પાણી સાથે લેવું જોઇએ. આ એક દિવ્ય રસાયણ છે જે આપણી રોગ પ્રતિકારક શક્તિને ખુબ જ વધારે છે. રોજ તુલસીના 5 પત્તાં ચાવવાથી અને બે - ચાર લીમડાંના પાનની કુંપળ ખાલી પેટે લેવાથી શરીરને રોગો સામે લડવાની ક્ષમતા વધે છે.

- ફણગાવેલા કઠોળ અને સલાડનું નિયમિત સેવન કરો.

- સવારની તાજી હવામાં બે-ચાર કિ.મી મોર્નિંગ વૉક કરો.

- અમુક પસંદગી વાળા પ્રાણાયામ પોતાની દિનચર્યામાં સમાવિષ્ટ કરો.

નીખરશે તમારો ચહેરો 30 દિવસમાં, માત્ર આ 5 ટીપ્સથી

ઉજાસ અને નિખારને હંમેશાથી પ્રશંસાને પાત્ર હોય છે.ઘણીવાર જોતા હોઇએ છે કે લોકો પોતાના શ્યામ રંગથી નાખુશ હોય છે.

શ્યામ રંગ કયારેક કેરિયરમાં અડચણ લાવે છે તો ક્યારેક લગ્નમાં.

મોટાભાગના લોકો પોતાના જીવનસાથી ઉજળા વાનનાં હોય એવું પ્રિફર કરતા હોય છે.

1. એક બાલદીમાં ઠંડા અથવા નવશેકા પાણીમાં લીંબુ રસ મેળવી ગરમીઓમાં અમુક મહિના સુધી નાહવાથી ત્વચાનો રંગ નીખરે છે.(આ વિધીને કરવાથી ત્વચા સંબંધી ઘણા રોગ મટી જાય છે)

2. આમળાનો મુરબ્બો રોજ એક નંગ ખાવાથી બે –ત્રણ મહિનામાં રંગ નિખરવા લાગે છે.

3. ગાજરનો રસ અડધો ગ્લાસ ખાલી પેટે સવાર –સાંજ લેવાના એક મહિનામાં રંગ નીખરવા લાગે છે.

4. રોજ સવાર –સાંજ જમ્યા બાદ થોડી માત્રામાં વરિયાળી ખાવાથી લોહી શુદ્ધ થાય છે અને ત્વચાનો રંગ બદલાઇ જાય છે.

5. રાતે સુવાના પહેલા નવશેકા પાણીની સાથે નિયમિત રૂપે ત્રિફળા ચુર્ણનું સેવન કરો.

બેડરૂમમાં છોડ ના રાખો તેથી થાય છે...

ઘરની સજાવટ કરતી વખતે મોટાભાગના લોકો વિશેષ રૂપે પોતાના બેડરૂમની સજાવટનું ધ્યાન રાખે છે. બેડરૂમ જ એ જગ્યા હોય છે જ્યાં દિવસભરની ભાગ- દોડ બાદ પણ આરામ મળે છે.એટલે આ જરૂરી છે કે સજાવટનું વિશેષ રીતે ધ્યાન રાખવામાં આવે છે.
વર્તમાનમાં બજારમાં એવા ઘણા પ્રકારના સજાવટના છોડ હોય છે જે ઘરની સુંદરતામાં અભિવૃદ્ધિ કરી દે છે,

એટલે જ લોકો પોતાના બેડરૂમના ઇંટીરિયર વખતે છોડના ઉપયોગનું પણ ધ્યાન રાખે છે.પરંતુ વાસ્તુની દ્રષ્ટિએ જોઇએતો બેડરૂમમાં છોડ લગાવવા યોગ્ય નથી.

વિશેષ રીતે કાંટાળા છોડ જેવા કે ક્રેકટ્સ,ગુલાબ વગેરેને અશુભ માનવામાં આવે છે.

જો વૈજ્ઞાનિક દ્રષ્ટિએ જોઇએ તો રૂમમાં સુતી વખતે ત્યાં કોઇપણ પ્રકારનો છોડ રાખવો જોઇએ નહી.કારણકે રાતના સમયે છોડની શ્વાસ લેવાની ક્રિયા વિપરીત હોય છે. છોડ રાતે ઑક્સિજન ગ્રહણ કરે છે અને રાત્રે કાર્બન ડાયોક્સાઇડ છોડે છે.

જ્યારે દિવસમાં આ પક્રિયા ઊંધી હોય છે. આ જ કારણથી આપણી આસપાસના છોડ રહેવાથી બીમારીઓ થવાની સંભાવના રહે છે.

એટલે જ તો આપણે જ્યાં સુઇએ છીએ ત્યાં છોડ રાખવા ના જોઇએ.આપણે કોઇ બીમાર વ્યક્તિના રૂમમાં તાજા ફુલ રાખીએ છીએ પણ રાતના સમયે આવા ફુલોને રૂમમાંથી દુર કરવું વધુ હિતકારી છે.

ગૅસ,કબજિયાત અને મો ના છાલાને હવે કહો બાય -બાય..

ખાન-પાનની અનિયમિતતા, ફાસ્ટફુડ અને જંકફુડનું વધતુ પ્રમાણ,બદલાતી જીવનશૈલીને કારણે આજે લગભગ દરેક પેટ સંબંધી સમસ્યાથી પીડિત છે,

વળી કહેવાય છે કે પેટના રોગ એ દરેક રોગોનું મૂળ હોય છે. એટલે જ તો માથું જો જીવનનું કેન્દ્ર છે તો પેટ એ સ્વાસ્થયનું કેન્દ્ર છે.

અનિયમિત ખાનપાન અને અનિશ્ચિત દિનચર્યાના કારણે પેટની કોઇ ને કોઇ સમસ્યા હોવી એ જાણે સામાન્ય વાત બનતી જાય છે.

પેટમાં ગેસ થવો, કબજિયાત થવી અને મોં માં છાલા થવા એને નાની વાતો સમજી અવગણો નહી ક્યારેક આવી નાની વાતો પણ જીવલેણ સાબિત થઇ શકે છે

આવો આ સમસ્યાઓથી અપનાવો આ કેટલાક ઘરેલુ અને આયુર્વેદિક નુસખા..

- પાકેલા બેળ ફળનું યોગ્ય રીતે સેવન કરો.

- હિંગાષ્ટક ચુર્ણ,જે બજારમાં તૈયાર મળે છે એને ખાધા બાદ યોગ્ય માત્રામાં લો.

- ભોજનમાં લીલા શાક અને સલાડનું સેવન કરો.ચા,મરી-મસાલા, પચવામાં ભારે ચીજોથી દુર રહો.

- ભોજન કર્યા બાદ વજ્રાસનમાં બેસો. રાત્રિ વખતે જમણા પડખે સુવો.

- દરરોજ સવારે 2 થી 3 કિ.મી મોર્નિગ વૉક કરો.

તેજ યાદશક્તિ મેળવવા માટે હવે માત્ર 3 ટિપ્સ

આજકાલ સારા ખાન-પાન ના હોવાને કારણે અને ખાન –પાન પ્રત્યે વાપરવામાં આવતી બેદરકારીને આજની પેઢીને સ્વાસ્થય સંબંધી તકલીફો જેમ કે નબળાઇ વગેરેથી હેરાન થાય છે,

વળી કામનું ભારણ,વધતી સ્પર્ધા અને ખાન –પાનનું અસંતુલન એના કારણે ભુલવાની બીમારી પણ પીડાય છે. કારણકે આયુર્વેદમાં આ બીમારીઓને દુર કરવાના સરળ ઉપાય છે.

1 . સાત બદામને રાતે પલાળીને સવારે તેની છાલ ઉતારી બારીક ભુકો કરી લો.આ પેસ્ટને લગભગ 250 ગ્રામ દુઘમાં નાખીને ત્રણ ઉભરા લાવો.

આના પછી તેને નીચે ઉતારી એક ચમચી ઘી અને બે ચમચી ખાંડ મેળવી ઠંડુ કરી પી લો. 15 થી 20 દિવસ આમ કરવાથી યાદશક્તિ તેજ થાય છે.

2. પલળેલી બદામને કાળી મરી સાથે પીસી લો અને તેને ખુબ ચાવીને ખાઓ,તે ઉપર નવશેકું દુધ પી લો.

3 . દરરોજ એક ચમચી શંખપુષ્પીના ચુર્ણને દુધ કે ખાંડ સાથે ત્રણથી ચાર અઠવાડિયા સુધી લો.

વિશેષ – માથાનું દર્દ, આંખોની નબળાઇ, આંખોથી પાણી આવવું, આંખોમાં દર્દ થવું આ રોગોમાં આ વિધિ લાભદાયક છે.

આજકાલ સારા ખાન- પાન ના હોવાને કારણે યાદશક્તિ નબળી થવી એ સામાન્ય સમસ્યા થતી જાય છે,પણ હવે મુંઝાશો નહી.

તે માટે અપનાવો આ સરળ ઉપાય જેનાથી તેજ યાદશક્તિ સાથે તમે દુનિયા જીતી શકશો.

નવરાત્રી દરમિયાન ગરબાના ખેલૈયાઓ માટે ખાસ ડાયટ પ્લાન(Diet Plan)

નવ દિવસના ઉજાગરા અને ગરબા રમવાનો થાક ક્યાંક શારિરીક નબળાઇ ન લાવે તે ધ્યાન રાખવુ ખુબ જરૂરી છે. ફેમિલી એન્ડ કોમ્યુનિટી સાયન્સના ફુડ એન્ડ ન્યુટ્રિશીયન ડિપાર્ટમેન્ટના એસોસિએટ પ્રોફેસર ડો.કોમલ ચૌહાણ અને લેક્ચરર ડો.હેમાંગીની ગાંધીએ ખાસ ગરબાના ખેલૈયાઓ માટે ડાયેટ પ્લાન તૈયાર કર્યો છે.

• યુનિ.ના ફુડ એન્ડ ન્યુટ્રિશીયન ડિપાર્ટમેન્ટનનું રસપ્રદ સંશોધન
• ૩ કલાકના ગરબામાં ખેલૈયા ૧૦ કિલોમીટર પુરા કરે છે

તેઓએ જણાવ્યુ હતુ કે શારિરી ક્રિયાઓને ત્રણ પ્રકારમા વહેંચવામા આવે છે.એક પ્રકાર છે લાઇટ એટલે રોજીંદી પ્રવૃતિ જે થાય તે આ પ્રકારમા આવે છે. બીજો પ્રકાર છે મોડરેટ એટલે કે મધ્યમ કક્ષાની શારીરિક પ્રવૃતિઓ. જેમ કે જોગીંગ, રનિંગ અને સાયકલિંગ આ કક્ષામાં આવે છે. જ્યારે ભારે માત્રામા કરાતી કસરતો અથવા તો મજુરી જેવા કામો ત્રીજા પ્રકારમાં આવે છે જેને હેવી કહેવાય છે.
ગરબા મોડરેટમાં આવે છે. એક અંદાજ મુજબ વડોદરાના ગરબા ગ્રાઉન્ડોની સાઇઝ જોતા એક યુવતી ગરબા રમતી વખતી એક કલાકમાં ૩ થી પ કિ.મી.નુ અંતર કાપે છે. જો તે ૩ કલાક જેટલા ગરબા રમે તો સરેરાશ તે ૧૦ કિ.મી.નુ અંતર સ્લો રન દ્વાર પુરુ કરે છે તેમ કહી શકાય. હવે આ દરમિયાન તેને દર ૧૦ મિનીટે ૪૦ કિલોકેલરીની જરૂર પડે એટલે કે કલાકમાં ૧૫૦ અને ૩ કલાકમા ૪૫૦ કિલોકેલરી જોઇએ. વાત માત્ર કેલરીથી નથી અટકતી પરંતુ ગરબા રમવા દરમિયાન શરીરમાંથી પાણી પણ પરસેવા રૂપે ઉડી જતુ હોવાથી શરીરમાં પાણીની ઘટ પણ સર્જાય છે.
એટલે નવરાત્રીના ડાયેટમા બે બાબતો ખાસ ધ્યાનમા રાખવી જોઇએ. એક તો ભરપુર પ્રોટીનવાળો ખોરાક લેવો અને પુષ્કળ માત્રામા પાણી અથવા તો જ્યુશના રૂપમા પ્રવાહી લેવુ. ગરબા મેદાનો પર મળતા સમોસા, આઇસ્ક્રીમ, સોફ્ટ ડ્રિંક, ભજીયા-ભુસુ, પીઝા, બર્ગર અને ચાઇનિસ જેવી વાનગીઓથી દુર જ રહેવુ. હા પાપડીનો લોટ, મકાઇની ભેળ, ચના જોર ગરમ અને ફ્રુટ જ્યુસને ચોક્કસ લઇ શકાય.
ઉપર જણાવેલ કેલેરીનુ પ્રમાણ સ્વસ્થ અને ઉંચાઇ પ્રમાણે નિયત વજન ધરાવતા યુવક યુવતીઓ માટે છે.એટલે મેદસ્વી લોકોએ બની શકે તેટલુ પ્રવાહી પર આધાર રાખવો જ્યારે શારીરિક નબળા અથવા તો પતલા લોકોએ પ્રોટીન યુક્ત આહાર વધુ માત્રામા લેવો.

ડાયેટ પ્લાન-નવરાત્રીમાં રોજ શું ખાશો?

નવરાત્રીમા દિવસ દરમિયાનનો ડાયેટ પ્લાન નીચે મુબજ છે. જેમા બ્રેકફાસ્ટ, લંચ અને ડિનરનો સમાવેશ થાય છે

* ૬ થી ૮ રોટલી અથવા ૪ ભાખરી કે ૩ પરાઠા

* ૩ વાટકી દાળ, ૧ વાટકી ભાત, ૨ વાટકી શાકભાજી

* ઘી-તેલ વધુમાં વધુ ૫ ચમચી

* દુધ - ૫૦૦ એમએલ - બે ગ્લાસ

* દહી, છાસ, લિંબુ પાણી એક ગ્લાસ(વધુ પણ લઇ શકાય)

* પાણી ૧થી ૨ લિટર

* બે ફ્રુટ કોઇ પણ

આ ઉપરાંત પુરતી ઉંઘ જરૂરી છે. ગરબા રમતા એક કલાક પહેલા ૫૦૦ થી ૬૦૦ એમએલ પ્રવાહી લેવુ, ગરબા દરમિયાન ૧૫થી ૨૦ મિનીટે ૧૫૦ થી ૨૦૦ એમએલ પ્રવાહી લેવું અને ગરબા પુરા થયા બાદ પિવાય તેટલુ પ્રવાહી પીવું. ખાસ તો સાદા પાણી કરતા લિંબુપાણી, મોસંબી-સંતરાનો જ્યુસ જેવા ફ્રુટ જ્યુસનો ઉપયોગ કરાય તો વધુ સારૂ.

તમારું હૃદય સ્વસ્થ છે તેની તમને કેવી રીતે ખબર પડે?

 

વિશ્વ હૃદય દિવસ : આગામી બે વર્ષમાં વિશ્વના ૬૦ ટકા દર્દી આપણા દેશમાં જ હશે. આવા સંજોગોમાં આપણું હૃદય સ્વસ્થ છે કે કેમ તે જાણવાનો પડકાર છે. છેલ્લા એક વર્ષમાં હૃદયરોગનું નિદાન અને તેની સારવાર અંગે વિશ્વના અલગ-અલગ દેશોમાં થયેલા મહત્વનાં સંશોધન અંગે એક અહેવાલ :

તપાસ : નવી ટેક્નોલોજી સીધો રોગ માલૂમ કરશે, અત્યંત સૂક્ષ્મ બીમારી પણ સ્પષ્ટ થઈ જશે

 

વિશ્વ હૃદય દિવસ : આગામી બે વર્ષમાં વિશ્વના ૬૦ ટકા દર્દી આપણા દેશમાં જ હશે. આવા સંજોગોમાં આપણું હૃદય સ્વસ્થ છે કે કેમ તે જાણવાનો પડકાર છે. છેલ્લા એક વર્ષમાં હૃદયરોગનું નિદાન અને તેની સારવાર અંગે વિશ્વના અલગ-અલગ દેશોમાં થયેલા મહત્વનાં સંશોધન અંગે એક અહેવાલ :

તપાસ : નવી ટેક્નોલોજી સીધો રોગ માલૂમ કરશે, અત્યંત સૂક્ષ્મ બીમારી પણ સ્પષ્ટ થઈ જશે
૧. ન્યૂક્લીયર સ્ટ્રેસ ટેસ્ટ
ખૂબ જ થોડી માત્રામાં રેડિયોએક્ટિવ પદાર્થ હાથમાં ઈન્જેકટ કરવામાં આવે છે, જેને ટ્રેસર કહેવાય છે. તે થોડી જ વારમાં હૃદયમાંથી પસાર થઈ જાય છે. આ દરમિયાન છોડવામાં આવેલા ક્ષ-કિરણોના રીડિંગ વિશેષ કેમેરામાં કેદ કરી લેવાય છે. તેનાથી હૃદયનું સૂક્ષ્મ પરીક્ષણ કરાય છે. તેને થેલિયમ ટેસ્ટ અથવા સિસ્ટમી ટેસ્ટનાં નામથી ઓળખાવાય છે. જોકે આ રિસર્ચ હજી પ્રાથમિક તબક્કામાં છે.

કોણે ટેસ્ટ કરાવવો જોઈએ

જે લોકોને છાતીમાં દુખાવો થતો હોય તેમણે. લાંબા સમયથી ગભરાટ થઈ રહી હોય કે હૃદયની બીમારીનું જોખમ હોય. ગર્ભવતી કે સ્તનપાન કરાવતી મહિલાઓએ આ ટેસ્ટ કરાવવો ન જોઈએ.

૨.પીઈટી સ્કેન

પીઈટી એટલે પોઝિટ્રોન એમશિન ટોમોગ્રાફી. આ ટેક્નોલોજીથી હૃદયની થ્રી-ડી તસવીર બનાવાય છે, જેનાથી તેમાં અગાઉ આવેલા હૃદયરોગના હુમલાની અસર તપાસાય છે. હૃદયના સ્નાયુઓની સ્થિતિ કેવી છે તે માલૂમ કરાય છે. હૃદયરોગના હુમલાને કારણે હજી પણ ધમનીઓમાં બ્લોકેજની તપાસ કરી શકાય છે.

કોણે ટેસ્ટ કરાવવો જોઈએ

હૃદયરોગથી પીડિત ગંભીર દર્દીને પીઈટી કરાવવાની સલાહ અપાય છે. આ ટેક્નોલોજીથી ન્યૂકલીયર સ્ટ્રેસ ટેસ્ટિંગ કરતાં વધારે સ્પષ્ટ તસવીર બનાવાય છે. પરંતુ તેમાં પણ ગર્ભવતી ને સ્તનપાન કરાવતી મહિલાઓને આ ટેસ્ટ કરાવવાની સલાહ અપાતી નથી.

૩. કાર્ડિયાક એમઆરઆઈ

કોઈપણ પ્રકારના રેડિયેશન વિના ચુંબક મારફતે હૃદયનું પરીક્ષણ કરાય છે. આ પણ મેગ્નેટિક રેઝોનન્સ ઈમેજિંગ(એમઆરઆઈ) ટેક્નોલોજી છે, પરંતુ તેનાથી હૃદયમાં લોહીનો પ્રવાહ, દબાણ, હૃદયના સ્નાયુઓની સ્થિતિનું પરીક્ષણ શક્ય બન્યું છે. આ ટેક્નોલોજીથી હૃદય સંબંધિત જન્મજાત ખામીઓ માલૂમ થઈ શકે છે. જેમને હૃદયરોગનું વારસાગત જોખમ હોય તેમને માટે આ ટેસ્ટ વધારે અસરકારક નીવડે છે.

૪. કાર્ડિયાક એમઆરએ

આ મેગ્નેટિક રેઝોનન્સ એન્જિયોગ્રામ, જે એન્જિયોગ્રાફીનું નવું સ્વરૂપ છે. એન્જિયોગ્રાફીમાં એક સ્ટેન ડાઈ શરીરમાં ઈન્જેક્ટ કરવામાં આવે છે અને પછી કેથેટરને પણ ઈન્જેક્ટ કરીને હૃદયનું સ્કેનિંગ કરવામાં આવે છે. કાર્ડિયાક એમઆરએમાં કેથેટર ઈન્જેકટ કરવાની જરૂર નથી.

કોણે આ ટેસ્ટ ન કરાવવા

ગર્ભવતી મહિલાઓ ઉપરાંત મેદસ્વી(જાડા) વ્યક્તિને ચુંબકીય પરીક્ષણ ન કરાવવાની સલાહ અપાય છે. જે વ્યક્તિનાં શરીરમાં ધાતુની કોઈ વસ્તુ લગાવાઈ હોય(જેમ કે ફ્રેકચર પછી પ્લેટ વગેરે) તેમને આ ટેસ્ટ ન કરાવવાની સલાહ અપાય છે.

૫. ઈસીજી, ટ્રેડમિલ ટેસ્ટ : પરંપરાગત પરીક્ષણ

ઈકોકાર્ડિયોગ્રામ(ઈસીજી) અને ટીએમટી હૃદય પરીક્ષણના સૌથી સરળ વિકલ્પ છે. હૃદયની ગતિને સૌપ્રથમ આરામની સ્થિતિમાં રેકોર્ડ કરાય છે. ત્યારબાદ તેને ટ્રેડમિલ પર ઊભા રાખીને દર્દીની છાતી, ખભા અને કમર પર ઈલેક્ટ્રોડ ચીપકાવાય છે. ટ્રેડમિલની અલગ-અલગ સ્પીડ રાખીને અલગ-અલગ ઈલેક્ટ્રોડ દ્વારા કરવામાં આવેલા રેકોર્ડિંગ હૃદયની અલગ-અલગ સ્થિતિ બતાવે છે. ત્રણ ભાગમાં આ રેકોડિ·ગ ટ્રેડમિલ મોનિટર પર દેખાય છે.

આ બન્ને પરીક્ષણનાં પરિણામ હૃદયની અસામાન્ય સ્થિતિને સ્પષ્ટ કરી દે છે, પરંતુ સમસ્યા હૃદયમાં કઈ જગ્યાએ છે અને શા માટે છે તે સ્પષ્ટ થતું નથી.

સારવાર : ઓપન હાર્ટની જરૂરિયાત નથી, સારવારની નવી રીતથી દર્દ પણ નથી થતું.

૧. ડ્રગ એલ્યુટિંગ બલૂન

નવી દિલ્હી : ડ્રગ એલ્યુટિંગ બલૂન(ડીઇબી) પહેલાંથી પ્રચલિત ડ્રગ એલ્યુટિંગ સ્ટેન્ટ(ડીઇએસ) ટેકનિકથી વધુ અસરકારક અને ૪૦ ટકા સસ્તી સારવાર છે. મેદાંતા હોસ્પિટલમાં ઇન્ટરવેન્શનલ કાર્ડિયોલોજીના પ્રમુખ પ્રવીણ ચંદ્રાના જણાવ્યા અનુસાર, ડીઇબી ગુબ્બારા જેવું હોય છે. તેને બંધ ધમનીની અંદર પહોંચાડવામાં આવે છે. અંદર પહોંચ્યા પછી ૩૦ સેકન્ડમાં તે ફૂલી જાય છે. તેનાથી લોહીનો પ્રવાહ બરાબર થઈ જાય છે. તે પછી દર્દીને દવા લેવાની જરૂર નથી પડતી. આ પદ્ધતિથી બ્લડ કલોટિંગની શંકા પણ રહેતી નથી.

૨. ઇસીજી-સીટી

ન્યૂયોર્ક : અસામાન્ય હૃદયની ગતિથી પીડાતા વિશ્વભરના કરોડો દર્દીઓ માટે એક સારા સમાચાર એ છે કે હવે ઇસીજી અને સીટીનું મિશ્રણ કરીને એવી ટેકનિક તૈયાર કરાઈ છે જે વ્યક્તિના?દયના ધબકારાની સાચી તસવીર સામે લાવે. સેન્ટ લુઇસના યુનિવર્સિટી ઓફ વોશિંગ્ટનના શોધકર્તાઓના જણાવ્યા અનુસાર, વિશ્વભરમાં અસામાન્ય હૃદયની ગતિ ધબકારા)ના કારણે પ્રતિવર્ષ ૭૦ લાખ લોકોનાં મોત નીપજ્યાં છે.

૩. ત્વચાથી બન્યું હૃદય

સિંગાપોર : નેશનલ હાર્ટ સેન્ટર સિંગાપોરે ત્વચાની કોશિકાઓમાંથી ?દયની કોશિકાઓ બનાવવામાં સફળતા મેળવી છે. ?દય પ્રત્યારોપણ સમયે આ કોશિકાઓનો ઉપયોગ કરવામાં આવશે. તેના કારણે હાર્ટફેઇલ થવાની શક્યતા ઓછી રહે છે. એનએચસીએસના સહાયક પ્રાધ્યાપક ફિલપિ વોંગના જણાવ્યા અનુસાર આ સ્ટેમ સેલ ટેકનિકમાં મોટું પરિવર્તન લાવશે.

૪. સ્ટેમ સેલ થેરપી

લંડન : સ્ટેમ સેલ ટેક્નોલોજીથી સ્ટેમ સેલને રક્તવાહિનીઓમાં પ્રવેશ કરાવવામાં આવે છે. આ સ્ટેમ સેલ નુકસાનગ્રસ્ત ?દયમાં માંસપેશીઓ અને રક્તવાહિનીઓનું ફરી નિર્માણ કરે છે. તેનાથી દર્દી બીજાની સ્ટેમ સેલથી કામ ચલાવી શકે છે. હાર્ટ એટેકના ૧૨ કલાક બાદ આ પ્રક્રિયા શરૂ કરવામાં આવે છે. તેનાથી ભવિષ્યમાં હાર્ટ ડેમેજની શક્યતા ઓછી રહે છે.

-->>>સ્વસ્થ હૃદય માટે સંતુલિત ભોજન અને નિયમિત વ્યાયામ જરૂરી છે

-૨.૭ લાખ મૃત્યુ હૃદયરોગથી થાય છે દર વર્ષે ભારતમાં
-૨૫ ટકા મૃત્યુ હૃદય સંબંધી રોગોથી થઇ રહ્યા છે
-૧.૭કરોડ લોકો વિશ્વમાં હૃદય સંબંધી રોગોને કારણે મોતના મૂખમાં ધકેલાઇ રહ્યા છે.
-૩૬ ટકા મૃત્યુ ૨૦૩૦ સુધી દેશમાં હૃદય રોગથી થશે
-૫ માંથી અક મૃત્યુ દેશમાં હૃદય રોગને કારણ થાય છે.